==1==
يا طير حزنك ما غير الصبح واليوم==0==
==0==وانا أمس واليوم والصبح وقفيه
يا طير والله ما غير أطيح واقوم==0==
==0==قومة خويٍ يدافع عن خويه
أجاهد النفس مثل الفرس والروم==0==
==0==فـ اشد وأقسى الحروب العالميه
وادرى على خاطرٍ غالي ومحشوم==0==
==0==من شرهته لا يسنّدها عليه
ولاّ ورى هالضلوع اعلوم وعلوم==0==
==0==لحد ما له نهايه سرمديه
يا طير ياللي صفقت الريش للحوم==0==
==0==وانا برجلي طويت الجرهديه
أنا من الظلم ميّت وانت مظلوم==0==
==0==ارفع جناحك وانا برفع يديه
لله منادي بوجهه كل مظيوم==0==
==0==اللي يدير البسيطه والبريه
يزيد معطي ويكفل رزق محروم==0==
==0==ولا تجي بالتساوي ذي وذيه
حظوظ تلبس بشوت وتنقل ختوم==0==
==0==واحظوظ ما تسرح إلا في الرعيه
وين أنت يللي قدر فرقاك محتوم==0==
==0==ما شح بك غير الأوفاق الرديه
يا قسمتي والحياه احظوظ واقسوم==0==
==0==يا قمة الموهبه والشاعريه
يا لوحةٍ من سحاب ونار واغيوم==0==
==0==واطارها وردتين ومزهريه
كني خوي السهر محارب النوم==0==
==0==من يوم ما صرت عني وانت ليه
بيني وبينك روابط حب واسلوم==0==
==0==شبت وشابت ووافتها المنيه
اخاف اجيها وانا ماني بمعزوم==0==
==0==واقعد بليا فِراش ومقدريه
اصبر واكابر واساوم وافرق السوم==0==
==0==وامدها من كفوفي حاتميه
والصبر محمود كن الصبر مذموم==0==
==0==لا فقت من بعض الأفكار الغبيه
ذكرت يا مال فرقا العين يا قوم==0==
==0==أول هدية غلا وآخر هديه
النظره اللي سهَمها باربع سهوم==0==
==0==ركّبتها في ضلوعي " لولبيه "
ليلة سرابك شبح واجنوطه كروم==0==
==0==لا هو بميه ولا هو ستميه
غسلت وجهك من الشرهات واللوم==0==
==0==واقفيت حتى ما رديت التحيه==2==
