@ ما اسمك؟
ـ نادية.
@ وبعد.. باقي اسمك؟
ـ هذا اسمي ماله باقي.
@ اقصد اسمك الكامل؟
ـ نادية محمد العتيبي.
@ واسم الدلع؟
ـ كل واحد يدلعني باسم.
@ مثل.. اعطيني من اسماء الدلع حقتك؟
ـ نودوي.. نويديه.. نداوي.
@ الدلع زين للبنت؟
ـ ايه لانه يصلح لهم.
@ والاولاد ما يصلح لهم لدلع؟
ـ عيب الولد يدلع ما يطلع رجل.
@ شلون المدرسة وياك؟
ـ يعني زينه ما بها شيء.
ـ ليه تقولينها بزعل؟
ـ بالله عليك احنا باجازة وشوله طاري المدرسة.
@ خلاص.. وتزعليني وشلون الاجازة؟
ـ قصيرة مرة لو يطولونها احسن.
@ نادية.. اجازة الصيف طويلة اكثر من شهرين؟
ـ بس المدرسة سنة كاملة.
@ طيب ما قلتي لي كيفها الاجازة معاك؟
ـ حلوة بس الجو ما ادري ايش فيه صار كله رطوبة.
@ عشانه الصيف.. ما قلتي لي وش اكثر لعبة تحبينها بالصيف؟
ـ السباحة بالبحر.
@ وش رأيك بمهرجانات السعودية؟
ـ قصدك الملاهي اللي يسونها بالعطلة.. يعني حلوة بس الدمام احلى من جدة.
@ ليه؟
ـ عشان بحرها.
@ وجدة.. فيها بحر؟
ـ لا بس بحرها احمر.
@ ليش تقولين كذا؟
ـ عشان هنا بحر الخليج وجدة على البحر الاحمر.
هو اسمه كذا عشان لونه
@ تعرفين بحرا ثانيا؟
ـ ايه اخذته بالمدرسة البحر الميت.
@ طيب ليه سموه الميت؟
ـ عشانه ما يتحرك.
@ طيب وش لونه؟
ـ اسود.
@ نادية.. تحبين برامج التلفزيون؟
ـ ايوه.. احب جورجي عشانها تشبهني بس شعرها غير لون شعري.
@ من يقول انك تشبهينها؟
ـ كل الناس ويقولون بعد اني احلى منها.
@ نادية تعرفين المكياج؟
ـ تقصدين حق الحريم اللي يحطونه على عيونهم ووجههم اعرفه انا بالعيد احطه وبعروس.
@ طيب نادية ودك تصيرين عروس؟
ـ ايه انا عندي فستان عروسه وردي.
@ من اكثر ينطق المرأة والا الرجل؟
ـ الرجل عشانه يحب الهوشات في الشارع والسوق والملاهي بعد.
@ والحريم شلون يضربون؟
ـ باظافرهن ويقطعون شعورهن.
@ طيب ايش رأيك بالرجل اللي يضرب الحرمه؟
ـ هذا حرام والحرمة مسكينة تبكي بسرعة.
@ طيب ليه البنات يبكون بسرعة؟
ـ عشانهم بسرعة يتعورون ودموعهن لازقة تحت عينهن والرجل ما عنده اصلا دموع.
@ نادية وش ودك تصيرين اذا كبرتي؟
ـ مثلك امسك ورقة وقلما ومسجلا صغيرا يعني صحفية.
@ وبأي جريدة ودك تشتغلين؟
ـ بجريدتك اللي تسوينها.
@ واخر كلمة وش ودك تقولين؟
ـ لا عاد يلعبون بدبابات البحر عشان ما ينجرحون ويطلع دمهم.
