يوم الوداع اصبر وانا ساهر الليل
... ... وش حيلتي لا وصّل الصبر حدّه
واصبحت اشيل الهم والضيق والويل
... ... يا ويل قلبي من عذابٍ يحدّه
فرقاه عندي ضيّق الصدر بالحيل
... ... سافر وخلاني عسى الله يردّه
حمام يا اللي بالسما وصّل القيل
... ... بلّغ سلامي للغضي ثم رده
قل له ترى حالي خذته الغرابيل
... ... قل له تراني ما احتمل منه صده
حبي معه صادق ولا فيه تمثيل
... ... حبٍ يتل عروق قلبي بشده
وانا لغيره لا حشا يوم ما اميل
... ... حيثه يقدّر عشرتي والموده
أديب الغريب
