نظرات البراءة

يا صغير لا تضيعني بنظرات البراءه ........وأنت ما تعرف مدى تأثير نظراتك بحالي آه يالبيه.. يا بشويش.. يا هد الإضاءه ........للجفول اللي.. من جفاله يجفلني ظلالي فز.. باسم الله عليك.. من المبرة للإساءة ........وارقد آمن في عيوني.. وأسهر آمن في خيالي يا صغير.. والذكي.. مثلي.. ليا خانه ذكاءه ........ماله إلا يعشقك ويصير لعيونك شمالي قم فديتك وأنت حر.. من ألف باءه.. لين ياءه ........ما عطاك إلا الله.. اسرف واستبيح ولا تبالي سو ما يرضي غرورك.. وإد ما تهوى اداءه ........الحشا لك بيت حاتم.. وأنت غالي عند غالي قم تمخطر في الحشا.. وانسى الكتابة والقراءة ........وحل واجب شاعر ما حلته سود الليالي وعلمه وشلون تتعدى على خط استواءه ........وعلمه وشلون كيف.. وهل يضيعون الرجالي وكيف يجني خلف سور الجامعة.. ذنب الكفاءة ........ساعة نادى إبليس وقال له: مالك ومالي؟ وأنا يشفع لك صغر سنك ونظرات البراءة ........بري حالي.. كل ما لديت يمي بري حالي!!