مسا النرجس بعد عمري مسا كله غلا واشجون
..........مسا يهديه لك عاشق سكنتي قرة اعيونه
امسي جمرة الشفه وعزة وجهك المزيون
..........وامسي بالغلا يا زين جمالن تسحر افنونه
ابليلة عيد ميلادك زها بك قلبي المفتون
..........ابارك لك وابهدي ولك مشاعر قلب مجنونه
ابهدي لك زهر عمري وفرحة خاطري والنون
..........وابهدي لك شعر غناه قلبي يعذب الحونه
الا يجمل بنات الارض جمالك موهبه وافنون
..........ويا بخته الجمال اللي غديتي اجمل افنونه
انا العاشق سنا خدك وانا العاشق جمال اعيون
..........وانا اللي بعثره حبك ورمشك زود اطعونه
احبك يمكن اااحبك ويمكن اعشقك بجنون
..........غرامك هزني مقدر احكم القلب واجنونه
طغى عشقك وذكرني ابليلي وابهوى المجنون
..........وخلى قيس يذكرني وفيني تصدق اظنونه
تذكرني وقال اني انا اول عاشقن بالكون
..........وهب عمره لجل نظرة غلا بعيون مزيونه
وقال ااانا يجوز اني هوى ليلى مشيته هون
..........واشوفك حبك الصادق غلب قلبي ومكنونه
انا لجلك ترى يا بنت صرخت ابصوتي المشجون
..........دخيلك لملمي حبي وخلي الروح مفتونه
ابذكرى عيد ميلاد تجدد عهدنا الميمون
..........ورب البيت لأحافظ على عهدك وما خونه
جميل بن زريع
