@ أبو العريف: الأخضر عال العال، وأروع من الخيال، وأنت أيش تقول ؟
ـ هذا أنتم يا الصحافة يا منتخبكم ما عنده سالفه أو منتخبكم أفضل من البرازيل، الركاده زينها، صحيح الأخضر حلوه، لكن لسه المشوار في البداية.
@ الظاهر يا بو العريف منت رايق هالأسبوع ؟
ـ صدقوني دايم أسمع عبدالمجيد وهو يشدو (منت رايق فيك شىء ومتضايق)
@ أف أبو العريف، تراك مهموم بجد وحقيقة ؟
ـ يعني فكرك خالي من الأحساس والعواطف، تراني أملك كلمات عواطف وعواصف، لكن العواطف ساعات تخوني، ولا بعد تهرب مني .
@ ليه ؟
ـ الخبر اللي عندي ما يتلاءم مع همس العواطف، دائماً يوديني على همس العواصف.
@ أشوف اللهجة هالأسبوع متغيره وايد ؟
ـ عندما يتقدم المؤخر ويصير في المقدمة، ويتأخر المقدم ويصير في المؤخرة يعني في الجو غيم.
@ الظاهر يا بو العريف الدنيا مش ماشيه معاك هالأيام ؟
ـ يعني، لكن فوز الأخضر والأصفر بهدفين باللي حارق قلوبهم هون علينا المزاج العكر.
@ انصحك تكتب هالأسبوع عن أغنية عبدالحليم حافظ (نبتدي منين الحكاية).
ـ الحكاية ماتت، واللي تشوفه رماد الحكاية.
@ عند الفشح .
ـ ومنهو الفشح
@ صدقني كتبته الأسبوع الماضي، تكملة عدد، وأنت ما عرفه لكن المفاجأة إنه صار حديث الناس، اللي من هو الفشح.
@ طيب اكشفه لنا ؟
ـ أنا لو أعرفه قلته، لكن والله ما أعرفه، هي جات رميه من غير رامي.
@ لكن أكيد تقصد واحد يا من القادسية أو من الخليج .
ـ تصدق أن اتصالات وايد جات من هذين الناديين يبون يعرفون الفشح، جاوبت على القدساويين باسم غير مرغوب عندهم، وجاوبت على الخلجاويين باسم غير مرغوب عندهم، ومشت على الاثنين.
@ يعني الفشح صار مثل مسلسل (الحاج متولي)
ـ لكن (الحاج متولي) أغاظ النسوان، والفشح أغاظ (الرجالة) @ أبو العريف يقولون النصر جاب له مدرب جديد
ـ أحنا قلنا هالأسبوع نبتعد أشوي عن الكرة وهمومها خلونا في عبدالحليم وراغب علامة وأليسا.
ليه ناوي تقلبها فن واحنا في رياضة؟
@ الفن والرياضة وجهان لعملة واحدة واسألوا عبدالله الفوال الله يذكره بالخير.
@ تصدق كلامك صحيح، لأن أحمد الدوخي سمعت أنه شاعر.
ـ ومن زود انشغاله بالشعر والقافية خرج من المنتخب
@ ممكن نقول خرج ولن يعود
ـ الجواب عند حمد العيسى والحلوي .
@ أكيد يا بو العريف هالمرة بتجاوب أيش أخبار المهندس ؟
ـ مسكين تزوج وعطوه (48) ساعة فقط وألتحق بالمعسكر وغيره بعد موجود هنا، والمنتخب في الخارج
@ والأخضر أيش مطلوب منه ؟
ـ يفوز فوز واحد فقط وتصير أحسن مشاركة له في كأس العالم.
