هاه وش آخر أخبار الصحف؟
ابو عباس: مطاردة بين الصندوق العقاري والناس هذا ما نشرته الاقتصادية.
ابو عرام: ايش هالفوضى مطاردة هي الامور وصلت لكده. هما عايزين يطاردونهم بالطيارات والا بالسيارات والا بالخيل والا.. (بلاش نذكرها).
اوبو عثمان: يا الاجواد هونوا عليكم هذا حق يجب ان يرد لاهله.
ابو عرام: ايش حق.. معقول يعطونا باليمين ويأخذوا بالشمال.. وبعدين وين هما حتى ينتظروا ويوصل المبلغ 24 مليار.
ما يكفي فاتورة الكهرباء والتليفون والمويه ومصاريف المدراس ومصاريف ام عرام.. والله كل الدنيا بصوب ومصاريف البزورة وام عرام بصوب.
ابو عباس: المشكلة ان المطالبين بالسداد من عمال ارامكو وسكيكو.. طيب والبقية الاكثر من الايتام والارامل والمساكين. وبعضهم صيانة بيته ما تكفي حتى يسددون للصندوق.. تصوروا هالبيوت لها فوق عشرين سنة مبنية والله اعلم كيفية البناء معظمها تهدم ويحتاج الى قرض آخر لاعادة البناء.
ابو عرام: اسمع اخينا عايز قرض آخر لاعادة البناء انت تسمع المثل اللي يقول (مش خشتك).
المهم عطونا اقتراحاتكم.
ابو عباس: اقترح اذن طينه واذن عجينه وتشوف من يطرد من.
ابو عثمان: يا حليلك.. رح شف بريدك تراك مطلوب عند الحقوق وقل ما قلته لك.
ابو عرام: اتركونا من هالهرجة وعطونا المفيد انا اقترح نروح لسوق البشوت ونشتري ثلاثة بشوت وثلاثة عقل وثلاثة شمغ ونركب النقل الجماعي وناصل الرياض بالليل وندور اقرب مسجد وننام فيه والصباح رباح نروح لجناب الصندوق ونبوس راسه ونحزف البشوت والعقل والشماغ....و..... ونطلب من جناب الصندوق السموحة بنصف المبلغ ونسدد الباقي على خمس سنوات.
وانا متأكد ان جناب الصندوق والعاملين ناس طيبين ويقدرون وما بعد رمي البشوت الا ان الله يرقق قلب الصندوق.. وكمان حتى يسلم من المطاردة والطرود وخذ وهات.
كلهم وافقوا وراحوا يلبسون البشوت وكلهم امل في موافقة جناب الصندوق.
