ترى أزعجنا روماريو البرازيلي .. مرة يشارك في التصفيات الآسيوية بالعين ومرة ما راح يشارك .. وفرق تقدم احتجاجات والسد يستنكر .. وكله هذا من شان روماريو .. يا جماعة الخير خلوه يشارك ترى ما راح يسوي شيء .. بالعكس راح يكون عالة على القطريين تدرون ليه .. لأنه ما راح ينسجم زين معاهم , وطريقة لعبه تختلف عن طريقة لعبة القطريين يعني من هو متعود عليهم .. أنصح الهلاليين وغيرهم أنهم يسكتون ويخلون روماريو يلعب ويكونوا واثقين من أنفسهم ولا يخافون .. انظروا لفريق الاستقلال الايراني قمة الثقة بأنفسهم ساكتين وجاهزين للتصفيات بلا احتجاجات ولا شكاوي ولا كأنه روماريو أصلا موجود في البطولة , والهلال والعين والسد اللي نصف لاعبيهم دوليين في المنتخب سمعوا بأن روماريو راح يلعب ومدحت عبد العال مع العين وكل فريق وضع يده على قلبه من الخوف .. تدرون ليش ؟ لأن الثقة معدومة في أنهم يقدمون مستويات زينة ولذلك بحثوا عن حجج ومخارج لانتكاساتهم.
@@ عبدالله العليان ـ الدمام
