أخبار متعلقة
ابو العريف ويش عندهم لاعبي الاتفاق مع الشيشة والمعسل؟
ـ والله يقولون بيرجعون للمنافسة، لكن صدرهم من هالشيشة منعهم من المنافسة.
@ يعني وش الحل معهم؟
ـ والله الادارة مصممة تلغي عقودهم الاحترافية، لأن الناس غير مستعدة تصرف من جيوبهم ملايين واضيع في الشيشة والمعسل.
@ ابو العريف يقولون ان بعض لاعبي الخليج مثل بعض لاعبي الاتفاق يحبون المسعل؟
ـ لكن ادارة الخليج ماتحرك ساكن، ساكته عن لاعبيها، بعكس ادارة الاتفاق التي هددت لاعبيها.
@ ولاعبو القادسية؟
ـ ما يقدرون وراءهم الزامل والياقوت "شديدين" وايد.
@ ابو العريف هالشيشة بس للاعبي الشرقية؟
ـ في جدة خير وايد بعد.
@ ابو العريف خلنا من سالفة الشيشة، وتعالي قولي ويش سالفة عبدالله الجمعان؟
ـ وعند جهينة الخبر اليقين.
@ ومنهو جهينة؟
ـ يقولون منصور البلوي وسعيد العويران.
@ ابو العريف ثقلت عليك في الاسئلة، لكن ما تشوف الاتفاق جايب اللي اسمه ريز برغن، والقادسية بعدهم مع العجلاني؟
ـ برجر ولا يرغن "ابو عجله" صعد بالفريق، وانجازاته تتحدث عنه.
@ لكن دوري الممتاز غير دوري الدرجة الاولى؟
ـ عند الامتحان يكرم المرء او يهان.
ـ ابو العريف الا بسألك ويش سالفة رئيس الاتحاد مع نصر هلال؟
ـ الهلال خسر السوبر والنصر ما حقق بطولة العام الماضي، ورئيس الاتحاد جمجوم في حاله مسكين، والله يعينه على بلواه.
@ يالغبي انا ما اقصد جمجوم، اقصد سالفة نصر هلال مع محمد المطرود؟
ـ لا تورطني مع اهل سيهات، ترى هم صايرين هالايام مثل تايسون شغلونا بالمطرود ونصرهم وهلالهم، وهم حتى الدوري الممتاز ما صعدوا له في حياتهم.
@ يعني ما منت معلمني السالفة؟
ـ صدقني ما اعرف الحق مع من ، لكن اعتقد اعتقد اعتقد وبس!!
@ ابو العريف يقولون برجر اقصد برغن جابوه الخليج قبل 22 سنة ولعب معهم؟
ـ تصدقني انه (مفهي) عندما سألوه الصحفيين ما ذكر انه لعب في السعودية.
@ معذور لان الخليج خلوه يدرب على ملعب ترابي.
ـ المبرقعة ابتدى برنامج من سيربح المليون، خلني اشوفه.
ـ وي اصبح ممل جدا، مثل نتائج النهضة في السنوات الاخيرة.