@ ما اسمك؟
ـ سما
@ سما ايش ؟
سما القحطاني؟
@ تعرفين معنى اسمك ؟
اسألي أبوي هو الذي سماني
@ طيب فكري شوي؟
ـ (سما) يعني السماء.
@ تروحين المدرسة؟
ـ ما عندي شنطة.
@ ومتى تروحين المدرسة وتصير عندك شنطة؟
ـ إذا كبر اخوي (سهل) بروح المدرسة وإذا كبر شسوي ما اروح المدرسة لأنه إذا ما كبر كيف اكبرأنا.....!!
@ تحبين اخوانك؟
ـ اكيد أحبهم والا شلون يصيرون اخواني
@ ليش؟
ـ يكفي أنا حرة وش يدخلك؟.
@ وش تبين تصيرين عندما تكبرين .. يعني وش تشتغلين؟
ـ كمبيوتر مثل ابوي وابوك وش يسوي بالكمبيوتر؟
يطبع ورق
ويوزعه على الناس
@ أي ناس يوزعه عليهم؟
المساكين...!!
@ وش أحسن البر ولا البحر ...؟
ـ طبعا عشان احفر فيه حفرة والبحر ما نقدر نحفر فيه
@ بس البحر نسبح فيه ونلعب عنده..
وخير يا طير أنا ما احب اسبح قدام الناس
اسبح في بيتنا.
@ طيب البر من يعيش فيه؟
ـ الضب...!!
@ هذا كيف شكله..؟
ـ يشبه السلحفاة من غير طابوقتها اللي على ظهرها
@ طيب وش أحسن الحيوانات ؟
ـ الدب لأنه كبير وسريع وقوي
@ أنت تساعدين أمك في البيت؟
ـ ايه .. دايم اساعدها بس عشان ما تضربني انا واخواني.
@ لما تسافرين تحبين تروحين بطيارة ولا بسيارة؟
ـ الطيارة احسن . بس أول خلنا نركب السيارة والطيارة تطير عند العصافير.
@ انت تحبين تسوقين سيارة ولا طيارة؟
ـ احب السيكل...!!
@ بتلبسين عباية اذا كبرتي؟
ـ بلبس عباية علشان ما يشوفني الرجاجيل.
@ ليش الواحد لازم ينظف اسنانه..؟
ـ عشان ما يظهر الدود فيها.
@ طيب تحبين الفلوس؟
ـ الناس كلها تحب الفلوس وانا بعد عشان اشري فيها (شبس) بطاطس.
@ وليش الناس يحبون الفلوس؟
ـ عشان يشترون من البقالة.
@ ايش رأيك بالأولاد اللي يلعبون في شارع السيارات؟
ـ اقولهم البسوا (نعال) ولا تمشون حافين عشان ما يدخل القزاز رجليهم.
@ والبنات اللي يطلعن في الشارع؟
ـ عيب .. وبعدين يجيهم حرامي.
@ تعرفين وين يعيشون الحرامية؟
ـ شفتهم يضربون اطفال فلسطين كلهم حرامية.
@ وش تقولين بعد؟
ـ خلاص فجرتي رأسي ما تشبعين كلام..!!
@ بس تونا بدينا؟
ـ والحين خلصنا.
