تـخاريف أبو العريف

@ ابو العريف.. الدنيا ماشية او مايلة معاك ها الاسبوع.- المشكلة انك تسألني قبل لقاء القمة، وهالكلام بينشر قبل ان اعرف النتيجة، لذلك اجابتي هالاسبوع لك عليها.@ خلنا اذا في اربعة الاتحاد في الخليج..- حتى الهزيمة مع الاتحاد عملوا فيها ضجة وقصصا وسوالف ومسلسلات لا وبعد كلاوديو ما ينفع رغم ان الكرة لم تصل لخط الـ18 الاتحادي.. الدنيا في هالدنيا تمشي بالمقلوب خلاص اربعة من الاتحاد (خير ونعمة) فكروا في الفرق اللي على قد حالكم.. الله يهديكم مرة واحدة تبون الفوز على الاتحاد والهلال والنصر والاهلي (الثقل زين).@ طيب القادسية ماشية صح هالسنة؟- اخاف اجوبكم وامدح وبعدين يطلعون البارحة مهزومين، واخاف احش، وبعدين يطلعون فائزين واتفشل اجل هالسؤال للاسبوع القادم.@ وهذا السؤال لازم تجاوبني عليه.. هلال الطويرقي رجع لفارس الدهناء؟- ابوخالد متى ابتعد حتى يرجع.. (دايم قلبه مع الفريق حتى وهو في الخارج)!!@ ما فهمت كلامك او جوابك يا ابوالعريف، وضح اكثر.- كلامي واضح وما يحتاج لتفسير او تأويل.. يا حبكم لاتهام الناس وتأويل الكلام!!@ ابو العريف ممكن سؤال خفيف على المعدة؟- هات من الآخر!@ لماذا (حلوة اللغة العربية) لماذا انت متقلب في آرائك من اسبوع لآخر؟- حسب الطقس، بعض الاحيان حار، وبعض الاحيان بارد، واغلب الاحيان (مثلج).@ يعني نقدر نقول ان قلمك ليس له مبدأ؟- لا هذي الكلمة كبيرة جدا، بس ترى اغلب اللي (يفشخروا) بمثل هذا الكلام هم ابعد الناس عن المبادىء والا ايش رأيك..!!