دردشة أطفال
@ حوار ـ مويضي المطيري @ وش اسمك..؟- قصي يحيي الخليوي@ من اللي سماك (قصي)..؟ـ انا لما كنت بيبي أمي اللي سمتني@ كم عمرك..؟- سبع سنوات@ اي سنة تروح في المدرسة.؟- اول@ تعرف شيء عن الفضاء..؟- اعرف المريخ@ وش شفت في المريخ.؟- ما شفت شيء بس صخور وحاره@ وين الصخور الحاره؟- ما شفتها بس قالوا لي@ تعرف معنى الكيمياء..؟- يمكن يكون عامل سيارات@ وش لون المريخ..؟- برتقالي اذا شفناه بالمنظار ومن بعيد ازرق لماع@ مين الليل ملمعه..؟- هو كذا ملمع@ ليش الحين شفنا المريخ وقبل ما كنا نشوفه..؟- عشان يبون يعرفونه ويعلمونا@ السيارة من ايش مصنوعه..؟- من ذهب.. لا لا حديد@ لما تكبر وش ودك تصير..؟- لاعب كرة سلة عشان تخلي الانسان يفكر وتطول ايده عشان يصير كبير@ انت اسمك (قصي) على اسم عيال صدام حسين..؟- لا على اسم جد الرسول@ صدام وينه الحين..؟- قاعد يسوي فكرة عشان يقضي على امريكا اللي تهدم بيوتهم@ وش اكثر شيء تقرأه..؟- القرأن وفزت بالمسابقة القرآن@ تعرف يوم القيامه..؟- اعرفها@ وين بتكون يوم القيامة..؟- في وطني وبعدين يجي مطر ويجي علينا وبعدين نحارب بالسيوف@ اخر كلمة وش تقول لنا..؟- السلام عليكم