ادعي على إرهابي الخبر.. بصير شرطي أحمي بلدي

@ وش اسمك يا استاذ؟انا استاذ؟ توي صغير.@ ليش انت شكلك الآن سيد الاساتذة كلهم بس قولي اسمك؟اسمى معاذ احمدي الجوف.@ انت قلت انك صغير.. ليه كم عمرك؟ست سنوات ونص.@ وليش النص..؟ فيه احد عمره نص؟لا نص يعني باقي نص ثانية واكون ابو سبع سنوات.@ هذي وش رياضيات؟لا هذا عمري.@ طيب يا استاذ الاعمار.. وش اكثر الالعاب اللي تحب؟؟الكورة المجنونة.@ اي مجنونة؟كورة القدم لانك تلحقها وتجري وراءها شبهها الاستاذ بالمجنونة.@ دامها مجنونة وش لك فيها؟وش اسوي احبها.@ طيب باي موقع تلعب؟بكل المواقع تحطني ابدع.@ طيب يا مبدع.. تحب القصص؟انا ابو القصص اسأل ربعي بالمدرسة.@ وش اكثر شيء تحفظه؟القرآن الكريم.. بس قل ما شاء الله.@ لا اله الا الله.. طيب قولي يا (معاذ) تحب افلام الكرتون يقولون انت ما تفارق التلفزيون؟لا.. افارقه بس اقعد اطالعه اذا كان فيه كرتون (سابق ولاحق).@ ما قلت لنا وش ودك تصير اذا كبرت؟شرطي.@ ليش..؟عشان احرس بلادي والمسلمين.@ يعني شغلة الشرطي زينة؟طبعا هي احسن شغلة في العالم عشانك تحس انك تحب بلدك.@ (معاذ) شفت وش صار (بالخبر)؟ايوه شفت ان المجرمين خربوا ودمروا بلادي المسلمة.@ تعرف ليه سووا كذا؟عشانهم ما يخافون الله.@ طيب يقدرون يخربون بلادنا؟لا والله بلادنا حافظها الله ثم رجال الشرطة.@ وانت وش ودك تسوي عشان بلادنا؟اصير شرطي واذبح الارهابيين والمجرمين.@ وبعدين.. وش سمعت بعد؟انهم ذبحوا (ولد مسكين) رايح للمدرسة يختبر.@ وش قلت لما سمعت وشفت الولد اللي مات؟عورني قلبي عليه وقلت الله يدمر الارهابيين.@ طيب وش ودك تقول في النهاية؟احب وطني واحبكم ولا احب الكذابين والارهابيين.