مكاشفة أبو العريف مع المبرقعة!!

@@ أبو العريف اشلونك اخبارك واشلون اللي يعزون عليك؟- ميه ميه، حتى الحبيب ترك المعركة وحطها في الفقير ماقدر يواجه من الضغط والسكري اللي جاه.@@ يعني خايف من (الفشله)؟- مسكين قام يقط خيط وخيط حتى ربعه تهربوا منه والدليل...!!** معنى كلامك انه انكشف؟- موبس انكشف الا صار يتصرف من ورا ربعه اللي عارضوه في سياسته.@@ يعني نقول سلم عليه.- الله يساعده على بلواه.@@ ابو العريف، اشوى الاتفاق تعادل، يعني الخسائر من الهولندي بيرغن؟- لا والله الا من اللاعبين، ترى اللاعبين بيدهم كل شيء والدليل اللقب الأخير.@@ ما علينا ابو العريف اشوف الدنيا مولعة في الخليج؟- على طول مولعة، بعد اللقب العربي جن جنون البعض، وجند البعض بعض الابواق للدعاية والاعلان التي فاقت محطةC.N.N ، لا والغريب ان النكسات متواصلة للبعض، ومازالوا يراهنون على حب الخليج، وهم الذين يضعون المطبات في طريقه.@@ يقولون فيه طبخات وايد خلف الكواليس؟- لكن بعض الطبخات فاحت ريحتها واصبحت معروفة لدى الجميع.@@ مثل ايش؟- واحد من اللاعبين مسوي روحه ذكي، وأخذ يعجن ويخبص، لا ومفكر ان الاخرين للحين ماعرفوه.@@ اف.. ابو العريف ومتى بتكشف امره وبتعطيه على قفاه؟- في الوقت المناسب احنا بنعطيه بس وحدة، وبخلينه يمشي ويكلم نفسه.** اكيد؟- اذا قال ابو العريف يسويها حتى لو الواسطات صارت جيوش..!!@@ ناويه وحاطه في رأسك يابو العريف؟- صبرنا عليه لكنه تمادى، والملفات سيتم كشفها والحسابات القديمة بنفتحها، وساعتها الله يساعده على تسديد الفواتير..!!@@ الدنيا معكوسة للزعيم هالسنة، حتى رئيس ماهم لاقين!- مين كان يصدق زعيم الاندية يصير بهالحالة لارئيس، ولا دراهم، ولا لاعبين اجانب.. صحيح هذا زمن الاتحاد.@@ يقولون ان البلوى لعبها صح؟- اكيد (100) الف تبرع مقابل تنازل عن لاعبين..!!@@ لكن الرجل شغال صح، مومثل بعض اعضاء شرف الاندية اللي تيرزرزون في الصحف ومو دافعين ولا ريال لناديهم.- في هذي معاك حق يالمبرقعة.@@ الا اقولك يابو العريف ايش اخبار الخصخصة؟- صدقيني مامنها الا اسمها واحيانا اغلط فيه، تدرين ليش، لأن فيها فلوس، وأنا تعرفين دايم مفلس، وجيبي فاضي..!!@@ على فكرة ما تعرف كم يستلم ببيتو يوميا؟- يقولون ان يوميته مثل راتب سنتين.. قالها راشد الماجد (الدنيا حظوظ).@@ ابوالعريف الظاهر انك تحلم كثير؟- مثل احلام اليقظة، وهالايام اللي يحلمون وايد، ومافيه حد احسن من حد..!!@@ ما دام الحلم ببلاش، احلم يابو العريف..!!- يعني اللي يحلمون افضل منا، خلينا نحلم ما دام الحلم ببلاش.. ببلاش.. ببلاش.@@ ابو العريف ايش قصة الزير سالم؟- في اكثر من واحد يحمل اسم الزير سالم في انديتنا.. خاصة...!!@@ والله سالفة الزير سالم كبيرة (ماكله معاك)؟- اكيد احنا وراه حتى يزداد الضغط والسكر عنده، ونهايته مثل نهاية الزير سالم.@@ ومنهو هذا؟- الزير سالم ما غيره..!!