تخاريف أبو العريف...!!

ابو العريف اعتذر لك.. كيف.. وانت اللي بديت.. وعلى نفسك جنيت؟- هذا طبعي, لكن ما جنيت على نفسي, ومقبول اعتذارك, لكن على ايش؟@ ظلمتك كثيرا, وفكرت انك تخرب ما تعمر, لكن اكتشفت في الأخير اني على خطأ.ـ لو غيرك بعد يفهم اللي فهمته كانت الدنيا بالخير.@ على فكرة ابسألك, هي اجوبة المحيسن في المحاكمة كلها صحيحة؟- وأنت ايش تشوف.@ أنا اللي بسألك يابو العريف.- الرجل صادق, ولكن ليس كل ما يعرف يقال, وقد يكون أخذ بهذا المبدأ!!@ طيب ايش رأيك في تشجيع جمهور الخليج للقادسية؟- أهم شيء الدخول ببلاش ولا لا!!@ وأنت مع هذه الخطوة؟- أبناء سيهات يحملون قلبا كبيرا وواسعا لأندية الشرقية.@ يقولون ان لاعبي الخليج لكرة السلة (ناويين) ينزلون.- عسى ان شاء الله علشان ميزانيتهم تروح للقدم, نفسنا القدم يصعد.@ بس هذا ظلم للألعاب الاخرى؟- خلوها السنة تعدي على خير ومدوا رجولكم على قد لحافكم.@ ابو العريف ايش سالفة ادمنت الثانية؟- عندما اتذكر النهضة اردد اغنية راشد الماجد (احترنا يا راشد معاك).@ليش بالذات هالاغنية؟ـ لأن وضع النهضة بالفعل محير؟@ ابو العريف النصر صار خطيرا؟- والله صار يخوف وايد, اهداف بالكوم والدلائل تشير انه قادم بقوة!!@ لكن الاتحاد ما كل الجو على الجميع؟- البركة في رابح صقر وعبدالله بالخير خلوا العميد شباب.@ والاهلي؟- اطلال ابو داوود كلاعب اختفت في الرئاسة.@ والسبب؟- اهل مكة ادرى بشعابها؟@ ابو العريف.. القادسية ما شية زي الحلاوة؟- عينك صابتهم.. والله يستر عليهم الدور الثاني.@ ابو العريف.. والله كلام زوجة عبدالله صالح خطير جدا.. كشفت فضايح (لصبايا بارك).- لكن انا عجبتني عبارة زوجي كان ينتظر شهادة تقدير, فأعطوه شهادة تنسيق, والله الدنيا دواره.. كأس عالم وشهرة وتصفيق واعلام والنهاية خطاب تنسيق.@ يقولون في الجو غيم بالاتفاق؟- حلوة هالجملة في الجو غيم جملة مهذبة, وأنا ازيد واقول السماء صافية بعد المكالمة الهاتفية بين الرئيس والمشرف.