دردشة اطفال

@ ما أسمك؟ـ جمانة علي العيسى.@ وش يعني اسمك؟ـ لؤلؤة كبيرة.@ طيب ليه تقولينه وانت مستحية؟ـ كذا بس..@ كم عمرك؟ـ ست سنين.@ وش أكثر شيء تحبينه بالدنيا؟ـ بابا وماما.@ ما ألعابك المفضلة؟ـ العروسة وألعاب المطبخ.@ طيب العروسة وش منه مصنوعة؟ـ من جلد وخرز.@ ودك تسافرين بر الديرة؟أيوه اروح لمكة.@ طيب تحبين البنات وإلا الأولاد؟ـ البنات طبعا لان الأولاد يضربون ما يعرفون يلعبون إلا بالضرب.@ تحبين المدرسة وإلا الروضة؟ـ المدرسة أحسن عشان ما فيها أولاد.ـ بس الروضة أحلى عشان كلها ألعاب.@ تروحين الملاهي؟ـ اروح وأكثر شيء احبها الزحليقة.ـ قولي لهم يحطون وحدة عند باب بيتنا؟ـ بعد قولي لهم يحطون لنا حديقة حيوان زي الناس.@ وش تبينهم يحطون فيها؟ـ يكثرون من الحصان عشان انا أحب العب معه.@ تحبين تلعبين على الكمبيوتر؟ـ ايه العب حروف ورسم.@ وشو أكثر شيء ترسمينه؟ـ الحروف والورود والقطوة.@ اذا كبرت وش ودك تصيرين؟ـ اكيد (ابله) عشان أعلم البنات يرسمون قطوة.@ ليش أبله؟ـ زي ابوي.@ ليه ابوك يشتغل استاذ؟ـ لا.. يشتغل (أبله) بمدرسة الأولاد.@ ليه ما تصيرين طبيبة بالمستشفى مثلا؟ـ لا.. مو حلوة المستشفى يعطون ابرة ودواء مرة مر.@ وش رأيك بالزواج؟ـ مو حلو.@ ليه موحلو؟ـ عشان بعض الرجال خسيس يعذب الحرمة.@ طيب لو عندك فلوس كتيرة وش تسوين فيها؟ـ اعددها كل يوم.@ تحبين تساعدين أمك في البيت؟ـ ايه.. اغسل مع ماما وانظف الزولية.@ وما تطبخين؟ـ الا اطبخ دجاج.@ هذي كيف يسوونها؟ـ يحطونها على النار وإلا وسط الفرن.@ كيف يصير الواحد قوي؟ـ لما يأكل سمك وحليب.@ تحبين تطالعين التلفزيون؟ـ بس الكرتون.@ وش رأيك بالسياسة؟ـ تشبه السيارة.@ طيب انت وش تحبين تسوقين سيارة والا سيكل؟ـ احب اسوق السيكل ودايم العب فيها بحوش جدي.@ طيب تعرفين معنى العلوج؟ـ ايه.. اعلوكه معلوكه.@ تعرفين معنى الاقتصاد؟ـ ما دري.. بس هي حقت الصيادين في البحر.@ طيب وهيئة الأمم المتحدة؟ـ يعني كل الأمهات.@ وش نقول للمريض اذا رحنا نزوره بالمستشفى؟ـ عبودي سلام عليكم.@ طيب وش تقولين وزير الصحة يعني مدير المستشفى؟ـ اقوله الله يخليك لا تعطي الأطفال إبرة وما عليش عطنا حبوب بدل الدواء المر.@ ووزير المعارف يعني مدير المدارس؟ـ اقوله حط ملاهي بالمدرسة وخلنا نطلع بدري.@ وش آخر كلمة تقولينها؟ـ قولي لماما خلاص تعبت تعالوا بكرة.