تلميذ الحياة

ياصديقي يا أخوي اللي انا معتبرهقدوتي وذراعي الأيمن وراس المالِربحنا نعمه ومنتوج الخساره خبرهلا تحسّبها قرادة حظ ضيقة بالِ  والنفوس اللي محازمها غرور وكبرهلا تهمك خلها زي ماتبي تختالِ  البحر ماغره أمواجه وغره كبره للصغيره والكبيره يصبر ويشتالِ  والقلم وش فايدة ديكوره بْلا حبره يشبه الرجال في هرجٍ بدون أفعالِ والسحاب اللي سمانا احجبت من زبرهفي تواضعها كست ارض القفر همالِ والحناجر أصدق أنباها ولادة عبره واكذب أنباء الحناجر رد كيف الحالِ والردي لو طال مهما طال يقصر شبره عن علوم المرجله والعز وطيب الفالِوالأناقه ماتجي بالفشخره والنبره ولا هي بكول وبريستيج ورقم جوالِوأجمل أنواع العداله ماتسوي الأبرهتكسي العالم ولا تفرّق قصار أطوالِ وكل تلميذ الحياه ظروفها تختبره أحدٍ يمشي واحد يحبي واحد حمالِ وكل شخصٍ يكسب ويؤجر على قد صبرهلا تشكى من نصيبك لا ولا تحتالِما استفدت من الحياه إلا صديق وعُبرهوما خسرت من الحياه الا غثى وإهمالِ الذكي في كل خطوه له يناظر قبره والغبي يطرد ورى الدنيا وحب المال