عظم الله أجرك يا لامير
...........واحسن الله بغالينك عزاك
سيدي يا بعَد شوف النضير
...........الله ان حب ياخذ ما عطاك
( فهءد واحمد ) محرّرة الأسير
...........واردين الخطر يوم الهلاك
وفقد نجمين لو قلنا عسير
...........العوض بالنجوم اللي بسماك
وفيك يا سيفنا الغالي الشطير
...........يا ذرى نجد حنا في ذراك
شف غلا الناس يابونا كبير
...........ولا اكبر من الغلا الا غلاك
انت واحد ولك جمعٍ غفير
...........انت قدامنا وحنا وراك
يا جبلنا ولو قلبك كسير
...........انت تجبر كسر هذا وذاك
لكن الموت لابن آدم مصير
...........ولو هو انسان ما قرّب حماك
وعمر الانسان لو طوّل قصير
...........طال عمرك وأطال الله بقاك
طعم الايام من مبطي مرير
...........لكن اللي مصبّرنا حلاك
ولو الاعمارتشرى يا الأمير
...........نرخص أرواحنا بس لرضاك
يرحم الله الاول والأخير
...........ويا عسى جنته لهم جزاك
