(0000 ) دامه في الدكاكين بشريه
.........بريال ولا بألف ماهو خساره
يامهبلك يامعذربه عند راعيه
.........من عذربه عندي بينقص وقاره
لاجيت باخليه ما احتلت أخليه
.........ما يطرد الهاجوس كود (0000 )
لولاه بوسوس وبامرض وابا تيه
.........وتشوفني في كل شارع وحاره
مثل الهبيل اللي يضيع البصر فيه
.........ياكل من الضيقه حبوب الحراره
انشهد انه حلو واللي محليه
.........راعيه ما تطفي مشاهيب ناره
وراعي الهوا غير (0000 ) وش يسليه
.........خصٍ ليا منءعَت عليه الزياره
لاجيت جنبته وأنا كان ناصيه
.........وحطيت من بيني وبينه زباره
خايف عليه وخايفٍٍ من دناويه
.........ابطفي الشعله تموت الشراره
وأمصاحبٍٍ جيرانه اللي حواليه
.........حيلة ضعيفٍٍ في طرفها صقاره
وأحب ضيفة جاره اللي يواليه
.........القلب يمه والوجه يم جاره
البر لا لا البدو ماني بدانيه
.........لخضّر مخضرٍ بقلبي خضاره
اليا خلا جال المرير ومضاميه
.........بعت البداوه واشتريت الحضاره
لي صاحبٍ يغليني اغلاي واغليه
.........من يوم حبيته ودليت داره
ومادام منطوقه فديتك ولبيه
.........مانيب أفكر في الفقر والتجاره
اسمر لعل البيض تفدى مواطيه
.........أموت في سكبة عضاه وسماره
وليا ضحك قلبي يفاخت عراويه
.........علي نذر ما عاد عندي عياره
تنشب عيوني في سنونه وأشافيه
.........لبعد عن الوجه المليح الستاره
وعرقا على كبدي ولاقلت له ليه
.........والبزر طامسةٍٍ سماه البزاره
واقول يا شاطر شف اللي تسويه
.........منيب احَسد الشاطرين الشطاره
مابيه يزعل ودي انضرّ و أرضيه
.........لو احَذف نفسي من اطول عماره
وامنول أهذب كلامي وأنقيه
.........واليوم خاشرت الغجر في الغجاره
هاجوس قلبي مفردن به ومعميه
.........عشاي ( كرز) ومرقدي في الغماره
