وضيقٍ تزرعه كف البعاد وتقطفه ذكراك
... ...وانا اللي ما يواسيني سوى حبري وقرطاسي
هجادٍ يسقي عيوني هماج الحلم في لقياك
... ...واكسّر في حطب قولة ( عسى ) لين انكسر فاسي
وهمٍ قد نشب في حلق صبري والسعة دنياك
... ...وصمتٍ قد هدم حصن السكوت وبيّح افلاسي
تسابق لك مغاتير النوايا كيف ترعا ارضاك
... ...واثر دونك مسافات الضما مع صالية ياسي
وتشقق لي عقب ليلي صباحٍ قال ويش ابقاك
... ...وشاف الخاطر اليابس من سموم الجفا القاسي
جفل هاك النعاس ولا طرى للذاكره تمحاك
... ...ما دامي بانيٍ ديرة غلاك وهالوفا ساسي
برد جمر انتظاري وباب عشقي ما استضاف خطاك
... ...وعسى ما ينفلت حبل الرجا يا الذاكر الناسي
