يا عيـــــن هلي دمعك اليـوم صافي
... ...هليــــه ليـن القـلب يبـرد لهيـبه
مابيه نورك عله الـيوم طافي
... ...مادام نـورالعيـن طول مغيبه
اقفا وخلاني بلا عذر وافي
... ...أنحب واصيح صياح مثل الصويبه
ليته يقـول افراق والقـلب عافي
... ...وأمد حبل الياس واحفر قليبـه
لاشك خلا الشـوق بالقلب دافي
... ...هو مادري كيف المفارق مصـيبه؟
ليته عطاني علم ذيك الخـوافي
... ...ليته يقـول الحـب وش كان عيبه
ماكنت أحسب الخل يقدر يجافي
... ...ولا هقيـت محب ينكـر حبيبه
يا صاحبي ارجوك أرجـوك كافي
... ...خٍـلك مريض الموت يرجي طبيبه
عقبك زهور القـلب صارت جفافي
... ...تعصـف بـه ريـاح الزمان الرهيـبه
كانك بغيت البعد عله عـوافي
... ...وكانك رخصت السوم ماهي غصيبه
خل الغرام ينام لاصار غـافي
... ...وبكره تصحّيه الجروح العطيبه
شقاويه - الكويت
