مساحة ننقل من خلالها اجواء مهاتفة مع احد الشعراء دون أية رتوش وكما جرت بكل عفويه.. وهنا هذه "المكالمة" مع الشاعر والزميل محمد العريعر.
ـ الو:
@ اهلا وسهلا.
ـ الشاعر محمد العريعر:
@ نعم معك.
ـ ممكن ناخذ من وقتك دقايق:
@ تفضل من كان يكلمك قبل مكالمتنا.
ـ زوجتي ام بسام:
@ ندخل بالخصوصيات ونقول وش عندها:
ـ تمون.. بس تسألني متى ارجع للبيت عشان العشاء جاهز.
@ تحب اكل ام بسام:
ـ احلى اكله من احلى يد.
@ كتبت بام بسام قصايد:
ـ هي اكبر من كل القصايد.
@ هذا انتم يالشعراء اذا ما كتبتوا بزوجاتكم قلتوا هالرد:
ـ لا جد فيه ناس تعجز تكتب فيهم قصايد من غلاتهم.
@ وينك فيه:
ـ فوق كبري الخليج بالرياض.
@ وين رايح:
ـ متجه لجريدة الرياضيه.
@ ليه:
ـ علشان اقدم على صفحتي "نوافذ ورديه".
@ وش الجديد فيها:
ـ آلمني خبر وفاة الشاعره صدى الحرمان وبكتب عنها.
@ وش اخبار الشعر معك بالصيف:
ـ تمام.
@ يقل انتاجك صيفا:
ـ بالعكس يزداد.
@ ما تحس ان الحر له تأثير.
ـ بالعكس الفاكهة لا تنضج الا بالصيف.
@ كم قصيدة كتبت بالصيف:
ـ اكثرها مرثيات بالامير احمد بن سلمان الله يرحمه.
@ اسمعك تفتح باب:
ـ ايه هذا باب السيارة وقفت عند الجريدة.
@ توصي شي ما نبغي نعطلك:
ـ سلامتك.
