@@ ابو العريف ويش آخر الاخبار؟
- ما فيه شيء جديد لكن العجلاني جايب العيد في القادسية مثل ما جاب العيد في الخليج قبل كم سنة.
@@ يعني وش نهايتها؟
- اعتقد لو ينسحب ويقدم استقالته افضل له.
@ ليش؟
- الدوري الممتاز كبير عليه هو درجة اولى ويخب عليه وثانيا اذا ما يستقيل بيتعزلوه
@@ ابو العريف ايش اخبار الخليج؟
- بعد ما وجعوا رأسنا الى الحين ما فازوا ولا فوز والله يستر ايش راح يعملوا في الدوري.
@@ ابو العريف.. ترى الاتفاق يشتغل صح؟
- بالتأكيد شوفي الاجانب.. ترى الغالي سعره فيه مو لاعبين اي كلام.. انصاف موهوبين.
@@ حال النصر.. يكسر الخاطر؟
- خليها على الله.. اعضاء الشرف ماندري ويش يبون من ناديهم (والله الطاسه ضايعة) وما ندري الحق مع من.
@@ والحل؟
- عند اصحاب الحل.
@@ لكن جمهور النصر بيموت قهر؟
- ولا يهمك يجي الدوري ويتغير كل شيء.
@@ ابو العريف.. فيه عضو مستجد موفاهم اللعبة مع الصحافة.. كل يوم يصرح شكل للاعلاميين عن اللاعبين الاجانب ليه؟
- عرفته بس ماراح اقول اسمه بس كان قريبه رئيس نادي..!!
@ والله يابو العريف شديد.. اشلون عرفت؟
- ورطني مرة قلت في بالي ما عاد اتصله مرة ثانية.. الله لا يوليه على صلاحيات.
@ لكن ويش اللي خلاك تتصل به؟
-الله يسامح صاحب القلب الطيب كان مسافر ووهقنا.
@@ يعني لوما المغرب.. كان انت ولا شي
- يارجال اذا ما حصل هالنادي.. نصرف روحنا في اندية اخرى، والله يخلينا هالفتن!!
@@ ابو العريف .. ويش سالفة نور؟
- مثل سالفة ذيك السنة التي صارت لسعيد العويران والربع..
@@ والله المسألة خطيرة جدا؟
- الله اعلم
@ ابو العريف .. ترى بعض اللاعبين اللي يسمونهم نجوم شايفين انفسهم؟
- لكن لو يرتدع واحد منهم، كان تأدب اللي بعده.
@ الا قول لي ويش رايك في (ابو خالد)؟
- (ابو خالد) اقدم رئيس ناد في العالم.
@@ انا موقصدي الامير عبدالرحمن بن سعود قصدي هلال الطويرقي اللي جاب لكم العيد.. وقبلوا راسه اللاعبين بعد الفوز على الهلال؟
- يستاهل (ابو خالد) وخالص قفلوا هالسالفة كل مرة جبتوا تقبيل الرؤوس ترى (ابو خالد) يعد حاليا افضل مشرف كرة بالاندية السعودية.
@ غصبا عنك يابو العريف!!
- ليه ترى انا مو ضد (ابو خالد) المسألة غشمرة لا اكثر
@@ غشمرة تروح وتقول!!
- بس لا احد يسمعك الله يأخذ روحك
@@ ما علينا يابو العريف.. ويش السالفة مع المصيبيح؟
- ارجوك ابعدني من الجواب على هذا السؤال.
@@ ليه؟
- لأن المسألة اكبر من اقالة المصيبيح.. المسألة فيها تحد ونحن ناس وكذا التحدي.
@@ طول عمرك جبان!!
- عيش جبان.. تعيش زمان.
