مكاشفة ابو العريف مع المبرقعة..!!

ـ ابو العريف ويش اللي صاير يقولون شكوى على الصحف وعلى المحررين؟ @ @ يعني انت شايفة الامر غريب، مو جديد هذا هو العمل الاساسي لها لادارة تعقيب وشكاوى. ـ يعني ويش الحل؟ @@ الن يهديهم شاغلين انفسهم بالصحافة وتاركين ناديهم، والنتيجة طالع نازل. ـ ابو العريف.. الطويرقي ترك الاتفاق @@ امنية القدساويين، ولكن ابو خالد جاي لهم بعد شهر ونصف ـ يقولون هرب من المسؤولية. @@ ابو خالد قبل التحدي، واعاد للفريق توهجه، وشوفوه بعد عودته. ـ ابو العريف.. صحيح محمد نور عليه حركات قرعة، لكن في الملعب ذيب. @@ البركة في....!! ـ ابو العريف.. ابسألك عن العجلاني ويش اخباره @@ ضمن خانته حتى نهاية الموسم..! ـ ليه؟ @@ من غير ليه. ـ ابو العريف.. في القادسية عامل مشترك بين ادارة بادغيش وادارة الياقوت.. شقيق الرئيس دائما يصير مدير فريق القدم. @@ صدقيني يا لمبرقعة اني اخذت بالي من هالحركة.. على الرغم من ان منتقدي بادغيش في السابق يقولون محابي اخوه.. شاطره يالمبرقعه.. ان اشهد 1/صفر علي. ـ الا قولي.. فابيو البرازيلي بيروح الخليج ولا القادسية؟ @@ مساكين الخليج على نياتهم تنازلوا عن السالم للقادسية وكان من الطبيعي يرد القادسية الجميل بالتدخل في صفقة فابيو. ـ يعني ويش قصدك؟ @@ قصدي واضح، ندم الخلجاويين على التنازل، وعضوا اصابع الندم لو تناولوا عن السالم ببلاش للاتفاق كان حصلوا عن اللاعبين المنسقين من الاتفاق، لان عبدالعزيز الدوسري والزياني والطويرقي يحبون الخليج. ـ وابو العريف ويش صاير للنصر؟ @@ اسالوا سيزار ـ يعني بدون البوليفي ولا شيء؟ @@ الملعب اللي يقول كذا!! ـ القادسية طالب تأجيل لقاء الاتفاق خايفين!! @@ لا عنهم كرة ماء عربية..!! الارض بتتكلم عربي. ـ يعني مو خايفين؟ @@ هلال الطويرقي هدأ اللعب معهم وقال لهم انه بيسافر وردت روحهم اشوي. ـ ابو العريف اشوف الدنيا ما شيه مع الشباب؟ @ @صدقني ان الفريق الوحيد اللي يعمل صح، والفريق الوحيد اللي يخطط صح.. والمستقبل له. ـ بصراحة ويش رأيك في المسابقة حتى الآن؟ @@لحين ما صارت حماس، ولا فريق ألغى عقد مدربه ما هي على العادة. ـ ابو العريف.. القرون مبدع @@ فريقه التوش وانت تقولين مبدع. ـ يالغبي اقصد الوسيط السعودي احمد القرون مو خالد القروني؟ @@ لكن القادسية حتى الآن ما استعان بقدراته.. الغريب يعرف امكانياته والقريب..!! ـ يمكن تكون خلافات شخصية @@هذا هو مربط الفرس. ـ ويش سالفة الخليج مع التعادلات؟ @@ السهر والشيشه، ان شاء الله الجدد ما يطلعون مثل هالخمه اللي يبون زيادات وراتب ومكافآت وهم محلك سر. ـ لكن مؤيد المطرود جاب العيد مع الوحدة؟ @@ الله يهدي كثر ما قام يتلعب على صلاح السبع صار مثله، لكن اللاعب لسه واعد والمستقبل امامه ويكفي ان اخوه البطل علي المطرود قاهرهم وذابحهم.. سلام من سيهات لجدة. ـ والمرزوق ويش مسوي معاهم. @@يخلي وهيب وراءهم ويشوفون!! ـ يعني انت مو مقتنع بصلاح سبع؟ @@ نحبه ووفي ومخلص ومجتهد بس الجمهور!! ـ يعني مو مقتنع فيه؟ @ لا والله نجم بس الحساد ويكفي ان اخوه البطل حسين اللي جاب الذهب الآسيوي ـ ابو العريف.. هاني هلال قائد منتخب اليد رجع من الاردن؟ @@ ابشرك رجع بتذاكره على حسابه يقول الاداري الفذ طلال هاشم "ماكو فلوس" ـ يعني تصفية الحسابات بدأت؟ @@ الله ورسوله اعلم!! ـ جبان يا بو العريف @ @ الله يهديك بالمبرقعة افهميها وهي طايره.