مكاشفة "ابو العريف"مع المبرقعة..!!

@@ ابو العريف هالاسبوع (الطتش) مليان ماء، وكأنك بتشرق وتغرب لا وبعد (بتكشف). ـ الله يهديك يالمبرقعة والصلح خير، لكن البعض ما يفيد فيهم صلح.. @@ كيف؟ ـ بعض الرياضيين صايرين مثل المحامين، يمشون والشنطة والمستندات وياهم، يدخلون المكاتب كأنهم داخلين محاكم يذكرونني بالمحامي يكيكي في المسلسل الكويتي الشهير. @@ ويقولون القادسية اكلها ثلاثة من الصف الثاني من فريق الرياض. ـ هذا رد صريح من اللاعبين على التوقيعات الشهيرة، ودليل واضح على رغبة اللاعبين في مدير الفريق، لذلك لعبوا بقتالية كبيرة وتفان واخلاص منقطع النظير. @@ وابو عجلة ويش اخباره؟ ـ يستلم راتبه نهاية الشهر وكل الامور على ما يرام، حتى انه لعب مهاجما اقصد مدافعا امام الرياض الله عليه يعشق الشق الدفاعي، مثل حب الانسان للارض..!! @@ فكرك يستمر حتى نهاية الموسم؟ ـ ما دام ان المدير بيظل مع الفريق حتى يعجز اللاعبين، ليش ما يظل العجلاني مع الفريق حتى نهاية الموسم..!! @@ ابو العريف عشرة اعضاء وقعوا على ورقة الموافقة على استقالة عضو مجلس، والغريب ان الادارة في بيانها الشهير تقول ان اثنين من الاعضاء تخلفوا عن الاجتماع يعني اللي حضر للتوقيع ثمانية مو عشرة كيف جابوا توقيع الغائبين؟ ـ هذا دليل على ان العملية مطبوخة.. اقصد توقيعات نزيهة..!! @@ ابو العريف ويش اخبار ليفربول اقصد نادي الخليج؟ ـ ابشرك جماهيرهم طموحة يبون ينافسون في كل الالعاب ودراهمهم ما تجيب حتى لاعب اجنبي، لولا الله ثم رئيس النادي ودعم السيهاتي والغريب ان الجماهير تريد المنافسة حتى في لعبة (الفراشة). @@ طموح مشروع؟ ـ صدقت يالمبرقعة.. (مد رجلك على قد الحافك). @@ لكن فريق اليد منافس؟ ـ كان زمان ايام طيب الذكر حسين هزاع. @@ والحين؟ ـ الله يستر عليه، حاربوا محمد عباس عندما كان مدربا والحين يمدحون فيه، وما خفي كان اعظم..!! @@ يعني مافي فايدة؟ ـ يرجع ابو هزاع للجنة، ويوقفون مع الفقير ماجد شبر، والمستحيل يصبح حقيقة..!! @@ وفريق القدم بيصعد للاضواء هالسنة؟ ـ ما.............. أدري. @@ ابو العريف النصر رجع لعاداته.. خرج الهلال من اولى بطولات الموسم.. ويش يعني الفوز الاخير. ـ فازوا وكل عناصرهم تحت سن الـ 23 سنة، والازرق لعب بالشريدة والعلي وخليل، يعني ابشروا بالخير يا جماهير النصر. @@ ابو العريف شفت ابتسامة (ابو خالد) بعد المباراة. ـ صدقيني اللي يقول مو فاكهة الرياضة السعودية ما عنده سالفة.. حلوه الابتسامة، وحلوه علامة النصر. @@ ابو العريف.. الاتفاق ردت روحه؟ ـ والقادم احلى ترى ادارة الدوسري واعية وتشتغل صح لما شفت المدرب يخربط وقفته عند حده مو مثل بعض الناس، اللي مدربهم حق درجة اولى ورافعينه في السما مثل كارلوس البرتو..!!