@ ابو العريف.. وايش سالفة بعض مسؤولي الاندية.. بيانات.. خطابات.. وارسال مواضيع بأسماء قراء للصحف.. ايش السالفة.
- الزيت حقهم خلص, والواحد منهم استخف, واحنا انقول يامسكنهم في مساكنهم!
@ يعني يابو العريف نقدر نقول الرجال راح فيها..!!
- والله الكتاب ينقرا من عنوانه, وتصرفات الحبيب مثل مسرحية مدرسة المشاغبين, لكنه دائم ما ياخذ دور احمد زكي.. كمبارس!!
@ ابو العريف احس ان الربع ما عندهم لياقة؟
- من يقولك هذا الكلام ما عنده سالفه ارسلوا خطاب تعقيب على زاوية صغيرة اربع ورقات مطبوعة.. الله يساعد سكرتير النادي هو اللي مالكها في هالمعركة ليل ونهار يعقب ويرسل للصحف, المفروض يعطوه (اوفرتايم).
@ ابو العريف فريقهم رايح وطي؟
- مو مهم, المهم ان الاجتماعات تجدد الثقة في الجهازين الفني والاداري, و90% من وقت الاجتماع استعراض ما تكتبه المطبوعة الكبيرة اللي جابت العيد فيهم.
@ ابو العريف يقولون انهم عمموا على الصحف نفي العضوين بعدم التوقيع على بقاء المشرف؟
- نحتفظ بتسجيل عن عضو منهما يقول انه ما يعرف عن النفي اي شيء وسننشره في الوقت المناسب يالحبيب.
@ ابو العريف سووها الابطال؟
- منهم.
@ يد الخليج؟
- موغريبة عليهم مادام الريس سلمان المطرود اللي صفع البعض بالانجاز العربي الكبير, لا والغريب ان بعضهم كانوا يهاجمون الادارة على قرار المشاركة, ولما تحقق الانجاز سووا روحهم من الذين صنعوا الانجاز, مساكين الله يساعدهم على بلواهم!!
@ ليش.. هو فيه بعض الخلجاويين ما كانوا يتمنون اللقب؟
- الله اكبر.. كثير لكن ردهم الله في نحرهم, استهزاء قبل المشاركة, وبعد الكأس كل واحد يبي يسوي نفسه عريس.
@ والزبدة يا بو العريف!!
- الزبدة ان هالبطولة جاءت لتضع سلمان المطرود اول رئيس لنادي الخليج يتحقق في عهده بطولة خارجية للنادي, وبأقل التكاليف وبدون معسكرات, والاعداد كان فقط النية الطيبة وحب سيهات, وجات البطولة في عهد الرئيس الطيب.
@ يعني في تصورك ان هناك بعض الخلجاويين ماناموا ليلة الانجاز؟
- ثرثرة وحش والله لو رجع الخليج بدون الكأس لكانوا في طليعة الشامتين والمنتقدين.
@ في فكرك.. ايش باقي للخليج.
- مادام اللقب الخارجي وصل لسيهات, ابشروا يا جماهير الخليج بصعود القدم للأضواء, لأن المطرود سلمان دايما ما يكون صاحب اولويات, نسيتوا ان الفريق ظل يردح في دهاليز الثانية سنوات وسنوات وعندما استلم الاشراف صعد به للأولى.. انتظروا.. فالقادم احلى!!
