على شفاهي..
رماد... وحمام ميت.. وأقلام مسكرة..
وأصوات للناس.. متى مروا.. في
أعلى الحنجرة..
شريط يدور..
يدور عن الحال.. والأخبار..
وكيف صحة الأحباب..
مع ابتسامة مسمره..
على جدران مالها أبواب..
* * *
فرشة أسنان.. وأمواس حلاقة..
وصبح أصغر من الطاقة..
وحنفية تسكب الماء.. ثرثرة..
أغسل المرايا.. وأجفف المرايا
وأنا عندي مواعيد.. مبعثره..
على وقت.. أقصر من الصبح..
اللي وراء الطاقة..
تلبسني هدومي وتخنقني
الياقة..
وأظهر قبل بدري.. وبعد
متأخر..
لأجل أعتراف.. وانكر..
ويدور الشريط.. يدور..
حكي قليله نور.. وأكثره ظل..
أشياء..
مرسومة بالمسطرة.. وبحساب..
ويبلعني الطريق.. مثل حوت
غبي..
يأكل ولا يهضم..!!
آه.. لو أدري وش يبي.. ياكل
ولا يهضم
يبلع الناس.. ويلفظهم على
أرصفة مكسرة..
وكراسي.. وطاولات مبعثرة..
ويعطيهم مناديل.. للعرق..
اراجيل.. للنعاس.. وللأرق..
وحديث جاد.. ولكن بايت..
عن غصن زيتون في الشمال..
ومجزرة..
وأناظر الشارع يمر.. والسيارة
تهزني..
حلم غريب.. يبتزني..
يقول اعكس كل الشوارع..
غير المواجع والافراح..
@ @ @
لو.. يمر غراب..
ويحجب الشمس.. وينزل على
أطلال مقبرة..
ودي أتشاءم.. أو يتغير شي..
زلزال.. إعصار.. أو تحترق
غابة..
يحصل شي.. أي شي.. يكسر
هالرتابة
على القليل لو تندلق محبرة..
على الأوراق..
أو يدخل ما بين العين
والأهداب..
عود طاير.. شوي تراب..
الساعة هالحين ست وثلث
الصبح.. متأخرة.. وأنا لازم اصحي بدري..
بدر بن عبدالمحسن ـ
