@@ أبو العريف ايش سالفة عنوان (الميدان) يوم الجمعة الماضي (دارت الدنيا)
ـ هذي وحدة من جنون البكر, صار يتوقع في المباريات في التلفزيون والحين قام يتوقع في (الميدان) وجاب العيد للاتفاق, الزمن ما له أمان الي فوق يصير تحت, واللي تحت يصير فوق, وعلى قولة حبيب القلب احمد عدويه (حبة فوق وحبة تحت).
@@ لكن يابو العريف صحيح الدنيا دارت على الاتفاق كيف وليش ما نعرف؟
ـ الله يهديهم كل يوم مدرب وزحمة لاعبين أجانب للتجريب, حتى والدوري اوشك على الانتهاء وهم لسة يجربون لاعبين أجانب, كان من الأول هالمشاكل حلولها واستقروا على أجانب ومدرب كان ما صار اللي صار ولا جرى اللي جرى.
@@ لكن أنت مومعاي ان الفريق قوي وفيه عناصر ممتازة, لكن ايش السر وراء هذا الانحدار؟
ـ الدنيا لما دور لمالها صاحب, انت ما تشوف فيه ناس عندهم ملايين وفجأة يصيرون على بساط الفقر, الله يستر علينا من جور الزمن..!!
@@ أخوي خلني أسألك تراني في حيرة من أمري قرأت خبر عودة الأسطورة حبيب لفريقه الخليج في (الميدان) هو السيد حبيب لسه قادر على اللعب ولا إيه؟
ـ يقولون (الدهن في العتاقي) وحبيب مثل العود كلما احترق زادت رائحته طيبا لجمهور الخليج, (ابو الهواشم) لو يصير عمره 50 عند جمهور الخليج أفضل لاعب في العالم.
@@ بس الدكتورة في (صبايا بارك) جابت له العيد؟
ـ مسكينة تحلم بالاعتزال من عشر سنوات لعب عليها بحفل الاعتزال, لكنه عاد والظاهر انها تغير عليه من كرة اليد, حيث اصبحت هالعبة (ضده) لها.
@@ ابو العريف أربعة القادسية حلوة في الاتفاق؟
ـ آه.. لكل زمان دولة ورجال.
@@ تراني يابو العريف مستأنس عليك اعرفك تغلي من الداخل لان الاتفاق فريقك المفضل.. عساك صاحي بعد الأربعة؟
ـ العجلاني جاب لي العيد هالموسم, وزوماريو الله يهديه حاط لي عبدالرحمن القحطاني احتياط, خلها مستورة ترى القلم نشف حبره, تراها قلم بنصف ريال من أيام الثانوية.
@@ يعني يابو العريف انت بخيل لهاالدرجة قلم بنصف ريال؟
ـ تصدق ياأخ اني ضيعت خلال شهر واحد (100) ريال قلم, لكن هالقلم مو راضي يضيع, يمكن قصده يذكرني بمستواي المادي..!!
@@ اخوي ممكن نقول اليوم (على نفسها جنت براقش) ممكن يسويها الاكوادوري تيرنو ويسجل في الاتحاد بفلوس البلوي؟
ـ والله ياخوي هالاسم تيرنو (يخوف) كل فريق يقابله يسجل فيه لكن يمكن يستحي في هالمباراة من البلوي, ويذكر ان الماء والكهرباء بينقطع عنه ولا يسجل..!!
@@ أبو العريف شفت ايش الاتحاد الآسيوي بيد الأهلي خلى اللاعيبن يبكون داخل الملعب!!
ـ لا.. لا.. لا.. ما أصدق عندنا مندوب قوي عارف كرة اليد صح, ويدافع عنها بكل قوة, لا ما أصدق ان الاتحاد الآسيوي ظلم الأهلي.. صدقوني ما أصدق..!!
@@ أبو العريف آخر سؤال.. كل يوم نقرأ في الصحف عن تعاقد الاتحاد مع لاعب عالمي صاروا (ستة) ولا شفنا ولا واحد؟
ـ والنهاية روماريو في السد.. الله يخلف علينا وعلى صفقاتنا.
