اشوفك بدوني
طير مقصوص الجناح
انان مثخم بالجراح
مسكين ياللي شفت نفسك..!!
غروك.. وقالوا لك
عش نهارك بدون شمسك...!!
وانت غشيم
عاندت احساسك وهمسك..!!
*****
يا صاحبي
انت اللي بديت
وانت اللي على الرمضا مشيت
من علمك يا صغير السن
تجفي وتخون..!
ويش اللي بدل ايامك
ياحنون..!!
اقرأ كلام
واقرأ خداع
بنظرة عيونك..
الله عليك
والله اقوى على اظنونك..!!
كل شيء بزماني حسبته
الا لحظة جنونك..!!
*******
غلطتي
يوما كتبت بخط يدي اعترافي
كنت النهر واغرف من حبك بالعب احترافي
لكن اسف..
قلت احبك.. ومن يومها
ماي النهر صار ملح البحر
من يومها
صرت السفينة بدون شراع
وصارت محبتنا تشتري وتباع
********
هذه النهاية
لعبة مصالح
وصعب القبول
بصاحب صالح وطالح
