على كيفك حبيبي وخذ هالدنيا بمزج وجد
على كيفك تمادى لين تنهيني
اما قد الحزن .. قد الشقا .. قد احتمال الصد
انا وان كنت ما تدري !!! يموت الورد بيديني
ولكن لي رجا قبل ما دمعتي تنهد
اليا منك نويت الجرح .. أمانة لا تحاكيني
ترى بعض الكلام .. أوجع من كفوف الخد
على قلبي
على روحي
على احساسي
على عيني
وأنا ما قلت هذا واترجى منك عطف وود
انا اقوله لحل تعرف ويش الى تجهله فيني
وعلى كيفي ابصبر والصبر له في النهاية حد
ولا منه وصل حده .. تأكد
منت لاقيني
وأموت من العطش .. واشرب دموعي
لين ترويني
احمد معيض سعيد الزهراني
