تقول أكبرت ياعمري
وتقول الهم على بابك
حبيبي.. لحظة من فضلك
تراك قاسي على احبابك
انا بيتك..
وأنا جدارك
أنا قلبي واحة اعتابك
أنا اللي بسطت كفي
لأجل أمسح دموعك
وأنا اللي رهنت نفسي
لأجل تضوي شموعك
****
تقول أكبرت
وتقول.. والحياة تغيرت
ودنياك, ياروحي تبدلت
وأقولك يامنى نفسي
يافجر يومي وحاضري وأمسي
وفنر بيتي ونهار شمسي
ودفا روحي.. ودفا همسي
أزيد في الشرح
وإلا دمعتي تكفي
افتح جرح
وإلا اللطم بكفي
****
غريب أمرك حبيبي
تذوبني ـ وتبعد
تعشمني وتهرب
وأنا في دنيتي أطرب
في غيابك.. لحظتي مسرح
وفي حضورك.. هالعيون تسبح..!!
ما أدري شنهو يصبني
وها لشعور اللي ينتابني
هو جمالك..
هو دلالك..
بس الأكيد
أنك بخاطري تسرح
****
تصور يابعد روحي
اشتاقلك والله في حضورك
وألف مرة أموت بوداعك
ما أدري
أهنىء القلب بحبك
وإلا أعزيه..!!
راحته بقربك
وفي غيابك
كيف اداريه..!!
منيتي رأسي بحضنك
بس لو حصل
هالفرح وين اوديه..!!
**
حبيبي روح
خلني أنا وجرحي
خلني أنا ودمعي
بودع شمسي وفرحي
هذي الحياة
تجرحنا بأعز الناس
تجعل الخطوة ندم
وتكشف زيف هالاحساس
وتخلي سكتنا ألم
والمغرور يوطي الراس
