@ ابو العريف اعتقد ان الطريقة ضابطة معاك.. والا الهوى شرقي..!!
ـ الهوى والحب والرومانسية هالاسبوع وكل مفردات الوجدان والعاطفة هالاسبوع (شرقاوية).
@ ليه يابو العريف..؟
ـ قلت لك من زمان مشكلتك انك على باب الله، همك في هالكورة وبس، ما عندك ذوق مثلي للشعر والشعراء.
@ ايش عنده نزار قباني. أوعى تقول لي انك شاعر يابو العريف.
ـ الله يهديك، أنت مادريت ان (البارحة) الساحل الشرقي تعطر بقصائد سمو الامير سعود بن عبدالله.
@ الله يابو العريف ليش ماقلت لي أروح؟
ـ الله يهديك الخبر منشور في الجرايد بس الله يهديكم ما تحبون (تقرون).
@ عدال.. يا نجيب محفوظ..؟
ـ ليس التجريح.. تراني من انصار محمود العقاد، وليس من انصار المحفوظ، واعتقد ان المطلوب هو ان تنصفني ثقافيا.
@ ابو العريف نراك ذبحتنا ممكن تطلع من الشعر، وتعرج على الاحباب في القاهرة.
ـ عيب يافتى.. ايش الكلام اللي قاعد تقوله..!!
@ لا تطلع فيها اقصد ربعنا الاتفاق؟
ـ خذها مني، وضعت الخطة لرئيس النادي، بس هالمرة مش عزيمة في السفينة الفرعونية، هالمرة شئ آخر ياحلو..!!
@ شنهوه يافلتة زمانك.. هالخطة مثل خطة الرفاع، يعني ممكن يسويها الفارس ويفوز (اثنين) مثل خطتك يابو العريف الماضية.
ـ الله يرضى عليك خليتني اصدق روحي، خليني اعتدل واحط رجل على رجل، وبعدين اقولك شنيه الخطة.
@ ابو العريف عطني اياها، وخلصني؟
ـ شوف، ممكن هالمرة الفرق واحد مش اثنين، ولكن الفوز جاي، جاي، بس المطلوب يسري يسجل، وبشير يسجل.. وماكو تضييع.
