أذكر وليفك

==1==طار سرب وحط سربٍ حول غصنك ياحمامه==0== ==0== وانثنت للنود الاغصان الطريات الصخيفه وانتي اتجرين صوت الحزن لكن في ختامه ==0== ==0== ترسلين الحزن للمحزون بالحانٍ خفيفه كنك تقولين يا مُرّ التوجّد والندامه ==0== ==0== وجد من لمّو عليه اعداه وعيونه كفيفه كان هذي فعلتك يا بري حالي يا سقامه ==0== ==0== بري حال اللي من الغربه غدت حاله نحيفه وش يسوي من فقد غاليه في لحظة كرامه ==0== ==0== يا يضحّي فالكرامه يا يضحي في وليفه واصبح الموضوع متعلق بقلبه وانقسامه ==0== ==0== الخيار الاوّلي مرفوض والثاني يخيفه ولا بقا قدامه الا خنجره يذبح غرامه ==0== ==0== من وريده لا وريده دون لا يرحم نزيفه ماجداه الا يقوم الليل لا هوّد ظلامه ==0== ==0== ويتنزح عن ضجيج الكون في قاعٍ حصيفه ايغَرق بين التوجّد والحسافه والملامه ==0== ==0== وان غفا جرحه تجهّم وايقظه وايقظ رديفه بين عزة نفس ما ترضى بديلٍ للشهامه ==0== ==0== وبين همٍ يحتريه وبين همٍ يستضيفه الوليف اللي كوتني غيبته واعلن خصامه ==0== ==0== بيح الله سد الايام الرديه والكليفه كيف جادت بالفراق وكيف شحّت بالليامه ==0== ==0==وسلبت مني ربيع العمر واهدتني خريفه امنعت عني وانا العطشان همّال الغمامه ==0== ==0== مثل ما تمنع يد الممسك عن الجايع رغيفه افطمت قلبي على الفرقا قبل حل الفطامه ==0== ==0== واسقته من همج ماها شربةٍ ماهي نظيفه الوليف اللي وضعته بين طرءف وبين هامه ==0== ==0==وان نزل ما ينزل الا واحة القلب المريفه كان يستحوذ على فكري وجلّه واهتمامه ==0== ==0==فكرتي له مهرةٍ حرّه وشاردتي عسيفه مرٍّ ابلش في بناه ومرٍّ ابلش في هدامه ==0== ==0==ايتشيطن لين اقول الشيطنه مهنه شريفه ثم يرجع يبتسم لي لين تشرق الابتسامه ==0== ==0== من جبينٍ كنه البراق بالسحءب الكثيفه ان تكلم قلت : ( يالبيه ) يا محلا كلامه ==0== ==0==وان سكت تغشاه عزة نفس في هيبة خليفه لين يوم الوصل غطا غرته واردف لثامه ==0== ==0==وابتدا ليل الفراق وليلة الفرقا عنيفه وعقبها حسيت بان البعد صابتني سهامه ==0== ==0==وقلت وانا ابعثر اطراف الغلا واجمع لفيفه ياوليفٍ لايزال القلب يهديك احترامه ==0== ==0==الفراق وكاد مير اذكر وليفك ياوليفه==2== @@ ناصر علي الحارثي