ابن البدءو

محمد السميري يصافحنا للمرة الأولى , وشاعر مثله مكسب لكل متذوق للشعر الجزيل الذي يحوي العمق والأصالة .. هنا يحدثنا ابن البدو السميري عن هواجيس متعددة .==1== انـا الليله حزين وضايقٍ صدري ولا ادري ليه==0== ==0== اشـوف الحزن قدامي واشوف الهم يبرالي سـرى ليلي وانا سهران واشيل القلم والقيه ==0== ==0==اطشه لاعجز يـكتب هـواجيسٍٍ على بالي هواجيسي تـلف الكون من قاصيه لا قاصيه==0== ==0==وانا فـي مجلسي ما بين ضو النار وادلالي دلالي راس مالي لا ريال ولا كنزت جنيه==0== ==0==ابدّيها عـلى حاجات نفسي وارخص الغالي ولا جيت اتصنع والـتصنع خـاسرٍ راعيه ==0== ==0==ورثـت الطيب من جدي وابوي وعمي وخالي يـقرّ الءـنا الـكريم وكل حـرٍصادقٍ نزيه ==0== ==0==ويجحدنا الجبان المستهان وكل محتالي انا ابن البدءو . بيت السدو كنت ابنيه واسكن فيه==0== ==0==احب المنزل الخالي واحب المرقب العالي ومنازلنا البيان ولا نزلنا منزلٍ نـخفيه ==0== ==0==وارباع بـيوتنا يوم القسا للضيف مدهالي نجوب الارض طول وعرض برّاق الحيا نتليه==0== ==0== لجل عُـءرب البكار اللي يسلي شوفها الجالي لنا التاريخ معها ناصعٍ ما يقبل التشويه ==0== ==0==حميناها بحد السيف يوم الدم شلالي وعجزنا عن علفها يوم جات وجيه دون وجيه==0== ==0== صدفنا ما صدفنا فالليالي والله الـوالي وخذوها اهل الفلوس ولا بقا شيً بها نرجيه==0== ==0== ماغير نشوفها بعيوننا ما عاد نحتالي كلامٍ يحزن ابطال الرجال ويضحك السفيه ==0== ==0==وعـدات السفيه يقول وليا قال ما طالي وسيع الصدر ناقص قدر يضحك والغبا معميه==0== ==0== لـوأنك قـلت له (يـاهم لالي) قال يا لالي اسالك يا كريمٍ من طلب منه الفرج ينجيه ==0== ==0==تجير القلب من جور الهموم الي برت حالي عيوني تسهر الليل الطويل ولا قدرت اسريه ==0== ==0==وكم دربٍ ليا مني نويته ما تهيا لي تـقيّدنا لوازمنا مثل من قـيّدوا رجليه==0== ==0== قـيادٍ مـن حديد ومن وراه ابواب واقفالي وليا ضاعت مراميع الحكيم وفطنة النبيه ==0== ==0==نزحت بهاجسي وامسيت في جو الخلا الخالي واسج امـعَ الكلام الـلي يكمّل بيّنه خافيه==0== ==0== عـلى الميزان ما ينقص عن المطلوب مثقالي ولا والله كتبت الـشعر حتى يمدحه قاريه==0== ==0== ولاهاجمت نـقادي ولاطاوعت عذالي ولا دقيت باب الشهرة اللي ما ربح ناصيه==0== ==0== ولا جـيته ولا تـعّبت له خطي ومرسالي لقيت امن الشدايد مالقا غيري من الترفيه ==0== ==0==شباب بعقل شايب مدركٍ في كل الاحوالي ارافـق كل طيب والردي لا مرّني طاريه==0== ==0== طلبت الله يباعد بين منزاله ومنزالي يطول الشرح في بعض العلوم وما بديت انهيه ==0== ==0==بذكر اللي فلق بحره لموسى واغرق التالي==2==