==1==
يا بوي ليل البارحه صرت مجنون==0==
==0==والنفس باحت غيبها من جهلها
مرت علي من حيث اهَلها يمرون==0==
==0==قالت سلام..وقلت كلمه بدلها
يا بوي انا عذري مولّع ومفتون==0==
==0==لا قلت عيني طاح منها خجلها
جوني عربها بالسلامه يهنون==0==
==0==وعيني لها ماعاد راعيت اهَلها
والله مدري يايبه وش يقولون==0==
==0==ضاعت علومي ضيّع الله عملها
وازلفت كلمه والاجاويد يوحون==0==
==0==واظن نقّال النميمه نقلها
حسبي على البيض الغنادير يغوون==0==
==0==كم عاقل اخلف نيّته ماعقلها
صحيح عشّاق الغواني يتيهون ==0==
==0==يابوي تكفا كلمة الحق قلها
وان شفت حالي صار من دون في دون==0==
==0==انا السبب في علتي واحتملها
لاتحسب انّي يا ابيض الوجه مشطون==0==
==0==من جور صكات السنين وعيَلها
مؤمن بحكم اللي له الكاف والنون==0==
==0==لاجات ميلات الزمان ايعدلها
بلاي والله موجع الحال بطعون==0==
==0==اللي رعا حدب الضلوع ودهلها
عامين اصد وخايف الناس يدرون==0==
==0==والنوم حاربني وحالي نحلها==2==
