==1==يوم غابت شرقة الشمس وأدنت للزوال ==0==
==0==إبتدى ليلٍ سبى النوم من عيني سبي
وقمت أقلّب في همومي على حد الخيال ==0==
==0==وأتذكر ذكرياتي وأنا توّي صبي
يوم كان البال خالي ودمعي لا يزال ==0==
==0==في جفون العين ممسي وفيها مختبي
يوم كان القلب يشرب من العد الزلال ==0==
==0==قبل يسقى سم الأيام والوقت الغبي
يوم كنت أسمع من الناس عن حب الهبال ==0==
==0==وأحسب إنه من خرافات راعين العبي
ويازمانٍ مارحمني وحالي منه حال ==0==
==0==لاترك قلبي بهمّه ولاأعرف وش يبي
كني اللي شال حملٍ يعجّز له جمال ==0==
==0==ومن ثقل حمله عن السير يعجز والحبي
كل ما انا قلت هانت وجا للفرءح جال ==0==
==0==إستجدت بي جروحي وزاد الهم بي
والله إني من عرفتك وحالي في إنحلال ==0==
==0==ساهرٍ ليلي بحزني ودمعي لركبي
إرحميني مابقى غير شيٍ مايقال ==0==
==0==ويش أقول إن كان حبك سبب كل تعبي
لن طلبتك شي شرتي على صبر الرجال ==0==
==0==والصبر فيني قضى ماتحقق مطلبي
المذاهب فالمحبه لها جال ومجال ==0==
==0==وأنتي اللي في غرامك جهلته مذهبي
ليت لي حظٍ معك مير حظي معك مال ==0==
==0==عوجة الأيام بانت وهدّت منكبي
شبت النيران بي وإحترق معنى الوصال==0==
==0==والبلا لاصارت النار من عُود إحطبي
والظروف اللي حدتني لشيٍ مايطال ==0==
==0==ماعطتني غير الأوجاع تهبى وتهبي
ويازمانٍ مارحمني وحال منه حال ==0==
==0==بس قلّي وش تبي بس قلّي وش تبي
ويوم بانت شرقة الشمس من بعد الزوال ==0==
==0==إنتهى ليلٍ سبى النوم من عيني سبي==2==
