الناعسات

==1==ياهيه.. مدري هوه.. مدري آه.. مدري ويش اقول==0== ==0==تبعثرَت كل الحروف الابجديه في فمي انا دخيل عيونك النجلات صمتك لايطول==0== ==0==ترا سهوم الناعسات اقوى من سهوم الرمي بيني وبين اهداب عينك طُول صمتك لايحول==0== ==0==تكفى تجاوبني بكلمه من حلاة المبسمي يانعنبو من لامني في نظرة الطرءف الخجول==0== ==0==اللي ليا سلءهم توقّف كل عرقٍ من دمي الفاتنات الناعسات مزلزلة ثقل العقول==0== ==0==كم واحدٍ منها تجرّع مُرّ كاس العلقمي مهما يدوّر من حلول يتيه مايلقى حلول==0== ==0==وآخر مطافه في بحر عينك بروحه يرتمي من زود ما يُونس تحمّل لو يقولون مهَبول ==0== ==0==لرضا العيون اللي تباها بالغرام وتنتمي والله لو تدري عيونك وش حصل لي من ذهول==0== ==0==ساعة خزَرني طرءفها اللي فيه خنجر حضرمي فيه الخجل والكبريا والطرف في طبعه كسول==0== ==0==من شدة الغِيره تقول انه برمشه يحتمي مدري نسمّيه الدلع والاّ نسمّيه الفضول==0== ==0==لاوالله اسمّيه ياعشاق أسم ماله سمي انا الجريح اللي جروحي من سهومك ماتزول==0== ==0==وانت الطبيب ونظرتك للجرح مثل البلسمي==2== عايض بن سليم الحارثي