الذكريات

شاعرنا الهذلي يتواصل معنا بجديده العذب والجزل ليأخذنا الى أجواء الشعر الحقيقي ==1== النسيم اللي يعيد الذكريات ==0== ==0== مايحرّك نشوته غير السكوت في ذرا الصمت الرهيب المستبات ==0== ==0==خايفٍ مستوحشٍ وجلٍ صموت من بعيد اشوف له بعض الصفات ==0== ==0== في نسيجٍ مثل بيت العنكبوت جاء يلوّح لي على الذكرى وجات ==0== ==0==صورةً فيها من التعبير صوت عن صدى هاك السنين الاولات ==0== ==0==عبرةً في خافقه عيّت تموت وجا يبا شوف الرسوم الماضيات ==0== ==0==ثم شاف الواقع اللي ما يفوت واختلف في ناظره كل الجهات ==0== ==0==فاالاوادم والعوايد والبيوت صورة الحاضر على الماضي شتات ==0== ==0==لو تجمّعها الليالي بالريموت فاالعباد وفاالجماد وفاالنبات ==0== ==0==روّحت ياسعود مرواح الفروت روّحت تلعب عليها الذاريات ==0== ==0==في طرف غصنٍ من الريح امحَتوت عقب مات الماضي ..اللي يوم مات ==0== ==0==ماتت الذكرى على اطلال البيوت==2==