==1==
لا تقولين الليالي والظروف==0==
==0== تبعدك عني على مَر السنين
الليالي كان ودك بي تروف==0==
==0== اسأليها عن غرامي والحنين
وكان صابك بالهوى شكٍ وخوف==0==
==0== أقطعي شك التردد باليقين
في خيالي دايمٍ طيفك يطوف==0==
==0== وصورتك بالعين ياعيني تزِين
عن وصوفك عاجزه كل الحروف==0==
==0== والمعاني غامضة عيّت تبين
يا شبيه الريم ياحلو الوصوف==0==
==0== يا ملاكٍ حبها بقلبي دفين
يا قمر ما يعترف بأيّة خسوف==0==
==0== يا شعاع الشمس خدك والجبين
يا حديقة ورد مايل للقطوف==0==
==0== عطرك الفواح فل وياسمين
تاخذين العقل بإحساسٍ شغوف==0==
==0== لك حياتي لك عيوني وما تبين
لك مكانه دون عشرات الألوف==0==
==0== يعني أنتي وبسّ دون العالمين
وعن هوى غيرك أنا دايم عزوف==0==
==0== وفي هواك أحيا وأموت بلهفتين
ودي امسح دمع عينك بالكفوف==0==
==0== لا رَخص عندك ترى عندي ثمين
ومن مناهل حبك العذب الشفوف==0==
==0== ودي أنهل نهلة الضامي حنين
أتعذب وأشتكي آهٍ وأوف==0==
==0== والمواجع تعزف آهات وانين منيتي يانور عيني بس أشوف==0==
==0== تقبلين بكل خطوه تقبلين
ما يهم بوقتها حَدّ السيوف==0==
==0== وما أبالي ..بكل شيٍ مستهين
لو وقف من دونك العالم صفوف==0==
==0== والله اني لا اصلك وأحلف يمين
فرصةٍ طافت وفرصه ما تطوف==0==
==0== والقدر مكتوب والقاسي يلين==2==
