يا دار لك حق ٍ على من سكن فيك
وعاش بنعيمك واستقر برحابك
حقك علينا يا طهر الارض نحميك
ارواحنا فدوة لحضرت جنابك
حنا القلوب اللي تعادي معاديك
وحنا الجنود اللي كفنها ترابك
انقدسك يارض النبوة ونفديك
وحنا عمى عيون ٍ ادور خرابك
نذرٍ علينا ما نتخلا ونخليك
وعهد ٍ لنا العدوان ما طق بابك
ما نخذلك وقت الشدايد نصافيك
يفداك كل اللي سكنك ومشابك
من كثر ما نحبك نخاطر ونرضيك
في كل لحظة حاسبينٍ احسابك
انتي غلاك اللي سطا في محبيك
وتسابقوا لأجمل سطر في كتابك
شعبك يفاخر بك ويحفظ مباديك
يا درةٍ بين الشعوب ارتقابك
الله من كيد المعادين ينجيك
ومن الحقود اللي يدور صوابك
