مغرور

مغرور حتى سلامك وانت متعدّي باطراف اصابعك ليتك ما تطرّفها سيطر عليك الغرور ولاانت متقدّي ننصحك وتقول هذي وين بصرفها ولسان حالك تقول اليوم من قدّي مافيه لا في الديار ولا طوارفها مطنوخ ويحق لي لو قلت متحدّي اهرج مع الناس واتحدى عوارفها المجد بانيه بذراعي ومن كدّي وشرفت ربعي ومن غيري يشرفها واقول لازم يجيلك يوم وتهدّي لا اقفت سنينك وضاقت بك محارفها ماتدري ان الزمان يجيب ويودّي وان طال عمرك دموع العين تذرفها ان طال عمرك ولا ودك ولا ودّي دنياك هذي يجي غيرك يصرّفها وان طال عمرك يكل الفكر ويصدّي وتضيّع السالفة وإلا تحرّفها لاصرت شايب وصار الحال متردّي حتى عيالك تخشك عن معارفها وإن طال عمرك يمر الهرج ويعدّي وتضيع بالدار وتحوفك سوارفها ماتسمع إلا يزول الباس ياجدّي ناسٍ تسلم عليك ومنت عارفها