يا كبر حزني

لابد من يومٍ به الناس يبكون على فراق اللي غلاهم نجلّه وابن ادم بدنياه مبلي ومفتون والموت حق يصير لا حان حلّه كم واحدٍ من بعد غاليه محزون حزنه عميق وخلف الأضلاع شلّه يا كبر حزني يوم جوني يعزون طاحت من عيوني جبال وأهله قمت آتلفت واذرف الدمع بالهون اترقب احكاهم بدقه وجلّه قالوا توفى وابنكم راح تكفون رديت باعلى الصوت ما مات لـ لّه ما كنهم سمعوا وماكن يدرون أنه حبيب أمه توسد محلّه أختل فكري تاه ماعاد موزون وأحس جرحٍ شق صدري وعلّه آمنت بالله مات والقلب مغبون وحسرة وفاته أعيت الجسم كلّه والوقت والايام والناس يبطون قلبي ينسّونه حبيبه وخلّه يارب ترحم من غدا اليوم مدفون انت الكريم اللي بعفوك تظلّه