شعور الفخر ينثر على الشامخات ورود
ولاء واعــتــزاز وســيــرة العز مشهوده
لوطـنّا وذكـرى يـوم توحيده المحمود
الأمـجـاد تـفـخــر بــه والأذهان مشدوده
مـعـه والعـقـود الحافـلـة مجدها في زود
يـعـانـق عـلـمـهـا بارق الخير ورعوده
راياتـه رفـيـعـة للأبـد والجميع جنود
لطاعة ولاة الأمر وحماية حدوده
مـنّ الله عليه الأمن طول الزمـان يسـود
والأمـــة عـلـيــه آمــالــهــا دوم معـقوده
تـربـع على عرش الصـدارة بـلاد الجود
عـظـيـم المـكـانــة بين الأوطان وجهوده
عظيمة وله بصمة شرف والجميع شهود
لـمـا قـــّدمــوه مــلوكــه الـغــر وجنوده
إنجازات عظمى نابعة من عطاء وجهود
طـمـوحـاتـها تـمـتـد مـا هـي بـمـحدوده
بـفـضـلٍ من الله والله الـواحــد المـعبود
وطـنّا كـبيـر وبيض أيـاديـه ممدوده
هل الجود من جوده بكل الظروف تجود
وهل الـرأي تنهل من حضـارتــه وبنوده
عـبـق سـيرتـه تاريخ شامخ ونفحة عود
من الجـــاوي اللي سـمـعـته قمة الجوده
ولنا الفـخـر في مجده وتاريخه المشهود
وســيـرة بـطـل تـوحـيــده الفـذ وفهوده
أبـو تـركـي الـبـاني وحـلمـه بدون حدود
جميع المواقف في مساعيه محموده
مـلـك مـعـجـزة في حـنكـته للنجاح بنود
طموحـه كبير وسـيرة العز مشهوده
