جرعات الحزن

مرحوم ياشيخ تربع على الطيب موته حصل بأمر الولي واقتداره ابوي صيته فوق روس المراقيب وقبله فقدنا ماضي العز شاره من حزنهم ماظني اسلى ولا اطيب وبابطي وانا كني كسير الجباره بابطي من الفرقا بحامي اللواهيب وبذوق جرعات الحزن والمراره سيوفي اللي لا بدن المواجيب اضرب بهم عسر الطريق ومساره في عزهم اشرب قراح المشاريب ومن فقدهم كبدي على صلو ناره وقت العزا افقد من العقل واغيب ومن شافني يدري بكبر الخساره والناس تدري بي بعيد المحاضيب لكن بركت وخالفتتي الجساره من حر فرقاهم ماودي ولا اجيب ودموع عيني يذرفن بغزاره دمع يزيد القلب هم و تعذيب وحول على ثوبي وغطاٌ زراره هذا قضاء ربي ولافيه تأنيب امره نفذ والعبد يرضى قراره وارجي عساهم في رياض مراطيب في جنان عدن زاهيات الخضاره مع رسول رتب الدين ترتيب يالله عساهم يهتنون بجواره وحنا على الدنيا ضيوف ومعازيب ولابد لابن ادم يودع دياره وعزاي في اللي ماضيين التجاريب عمان واخوان سوات النماره افخر بهم عند الرفاقه واصاحيب كسابة العليا بعزم وجداره هم درعي الضافي بوقت الاصاعيب وانا سندهم في الرخا والقشاره وصلاة ربي عد نبت النبانيب وعداد هباب الهواء وانتشاره