تدللي قولي لي اللي تقولين
بروق عزي في حضورك تلوحي
صديقتي وأختي على العسر واللين
قلبك لقلبي من عرفته نصوحي
الحب والتدليل والجانب الزين
تقدمينه لي ببالٍ سموحي
روح الأخوة فيك تزدان وتبين
يسمو وفاها شامخات الصروحي
في جو حرصك واهتمامك من سنين
توسع أهدافي ويكبر طموحي
وأن ضاقت بدمي خلايا الشرايين
أنتِ يديك اللي تضمّد جروحي
ما في وفا قلبك وطيبته ثنتين
تزداد مع زود الليالي وضوحي
وأخر ما أقوله وأنتِ اللي تحسين
في نبض صمتي لك وفي نبض بوحي
أبيك يا وردة حياتي تعرفين
أني بدونك جسم من غير روحي
