حبيبتي ليه الليالي شحيحه
في وصلها ما شفتها يوم جادت
أهل الغرام.. من الليالي جريحه
شابت مساريهم.. وسادت وبادت
ما به قلوبٍ بالهوى.. مستريحه
لو هي على درب الوفا قد تهادت
عشنا برجوى أحلامنا يا مليحه
متى الزمن يقول هاليوم عادت
ويبين زايف صبرنا من صحيحه
دام النوايا .. بيضها يوم نادت
ما فيه ذنبٍ بالزمن.. نستبيحه
وش ذنبنا كان الليال استبادت
بس العزاء ان الصبر له يوم صيحه
تبري الجروح اللي بهالوقت سادت
يجود في وصلٍ.. يبرهن مديحه
والخوف كان ان.. الليالي تمادت
