ما عندي أسرار هذي كل الأوراق
خذ ما تبي وأحرق الباقي.. ومعذور
ما هوب وقت العتب ميعاد عشاق
العين قالت لي إنه.. زور في زور
إيه اضحك.. وبادل الاشواق بأشواق
ما بي يجي منك رجع الصوت.. مبتور
ترى العبث بالمشاعر يحرق احراق
ما انت بعلى اللعب بالنيران مجبور
همستك ما تستقر الا بالأعماق
وان زار بالحلم طيفك.. قمت مذعور
أخافك تشوف نقطة ضعف مشتاق
وتعيش لحظة جنون النصر.. مغرور
كم مرة من غموضك خاطري ضاق
كم مرة أرفع عصا العصيان.. وأثور
كم مرة قلت هذي لحظة أفراق
مير البلا القلب.. عيا يسمع الشور
