حولين وأكثر وأنا واقف بخط الزوال
والريح تاخذ من أغصاني ثمر وأجنحه
اشرب هجير القوايل واحلف انه زلال
والشمس تشرب دمي عذبٍ ولا تمدحه
شجرة طريق الثمر والعود منها حلال
بلاش.. واللي بلاش الفوز به مربحة
من مر حافي خذا منها عصاة ونعال
يقطع ويجرح وهي تدراه لا تجرحه
طول ثيابي ومرجحتك عبث وارتحال
في هالقسا ما حلمت بغيمة ٍ مفرحه
ان شفت خيل العواصف قلت هذا احتلال
وان هونت قبل توصل قلت لا .. مذبحه!
نسيت كيف اشرح الرمضا بعشب الخيال
الواقع اللي تشربته محال اشرحه
نسيتني سكر الاجابة ومُرّ السؤال
صوتي “نشز” مكرفونه وانطفى مسرحه
