فمان الله يـاعــزّ الرجال وبحرها الطامي
فمان الله يــانبض الفؤاد وجُملة شعـوره
وداعك جرح مايبرى عجز عن وصفه الهامي
وجع مـوتك تعـدا الـحزن والأرواح مقهوره
يموت مْن العرب واجد قدر مكتوب والزامي
ولكن مـوت عبدالله تــرك لْـ كبود مفطوره
فقده الشعب والأمه فقده الوسْط الاسلامي
غزير الدمع ماينفع ولا الذكرى ولا الصوره
يتامى هــزّنـا بُعـده،، وبعـده كلنا ظامي
عسى الله يجبر قلوبٍ من الاحزان مكسوره
عسى مثواه لْـ لجنه مَع السادات الَا كرامـي
وقبره روضةٍ خضرا بــريح الطيب مغموره
فمان الله أرددها واسايــر جرحي الدامي
أواسي نفسي بْـ نفسي الين تموت مقبوره
ونبقى معَ العهد دايم مع آل سعود اْلـِ شْهامـي
على السمع وعلى الطاعه نبايع رمز واسطوره
ابـو سلطان يمنى الطيب راعْ الحـق مقدامي
خليفة خـير لـْ بـلاده ويكفي هيبة حضـوره
ومن حوله ومن دونـه صقورٍ دمّهم حـامي
حماةٍ لـْ لـوطن والـدين عـند الله مأجـوره
