ياللي عليــــك القلــب يكـفـخ بلا ريش
و اشغـــلـت تفكيــره و نبضـه وسمعه
خلاص من بعـــدك هجـرت المطاريش
ولا عاد لي في سيــرة العشــق طمعه
سمحت من سكـــة هل الغي والطيش
من يــــوم خابــت فيــــك رمعه و رمعه
لو جيــت و مـزون المـواصل مراهيش
ما شاقنـــــي غيمـــك و بـــرقــه ولمعه
لو يـوعـد الضامـي قــراح المعاطيش
و على جفـــاف العـــاطفــه هل دمعه
النفس طابت و انت يا ابو العكاريش
سجــدت لـ فـراقــك شكـر يـوم جمعه
روّح زمـــان ابـــو الثمــــان المباهيش
اللي يصــــون العهـــد لـــو تـم قمعه
هــذا زمـــان الفـــرفشـه و الفرافيش
ما ينعــــرف زوده و طــرحــه و جمعه
تلقــى مؤشــــر حبهـــــم بالبخاشيش
من غيــــر كـــرت الشحن جـوال دمعه
ما يعرفــون حكـايـــة الملـــــح والعيش
و لا ضُوو لـ سلــــوم الاجـــواد شمعه
ما يناسب اللي يعشق الخيل والجيش
اللي على درب الــوفـا ذاب شمعه
ما يعشقـــونــه غيـــر روس الدراويش
و انا رجــل شيمـــه و قيمـــه وسمعه
